നാദാപുരം: സിപിഐഎം ഏരിയ കമ്മിറ്റി അംഗവും കെഎസ്‌കെടിയു ജില്ലാ ജോയിന്റ് സെക്രട്ടറിയുമായ സി.എച്ച്.മോഹനന്റെ പുളിക്കൂലിലെ വീട്ടുമുറ്റത്ത് റീത്ത് വച്ച നിലയില്‍ കണ്ടെത്തി. പ്രഭാത സവാരിക്കിറങ്ങിയ മോഹനന്‍ തന്നെയാണ് റീത്ത് കണ്ട് പൊലീസിനെ അറിയിച്ചത്. ഡിവൈഎസ്പി പി.എ.ശിവദാസ്, ഇന്‍സ്‌പെക്ടര്‍ എന്‍.കെ.സത്യനാഥ് എന്നിവരുടെ നേതൃത്വത്തില്‍ പൊലീസ് എത്തി റീത്ത് നീക്കം ചെയ്തു. പൊലീസ് കേസെടുത്ത് അന്വേഷണം ആരംഭിച്ചു.