താമരശ്ശേരി: താമരശ്ശേരി ചുരത്തില്‍ കാറും ലോറിയും കൂട്ടിയിടിച്ച് ഒരാള്‍ മരിച്ചു. അപകടത്തില്‍ മൂന്നു പേര്‍ക്ക് പരുക്കേറ്റു. വൈകിട്ട് ആറുമണിക്ക് ചുരം ഒന്‍പതാം വളവിന് സമീപമാണ് അപകടം നടന്നത്. വയനാട് കമ്പളക്കാട് സ്വദേശികളാണ് കാറിലുണ്ടായിരുന്നത്. മരിച്ചയാളെ തിരിച്ചറിഞ്ഞിട്ടില്ല.

ചുരമിറങ്ങി വരികയായിരുന്ന കെ എല്‍ 58 എ 6274 നമ്പര്‍ സ്വിഫ്റ്റ് കാറും എതിരെ വന്ന ലോറിയുമാണ് കൂട്ടി ഇടിച്ചത്. സാരമായി പരുക്കേറ്റ ഒരാളെ കോഴിക്കോട് മെഡിക്കല്‍ കോളേജ് ആശുപത്രിയിലും രണ്ടുപേരെ കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിച്ചു.