ഡിവൈഎഫ്ഐ നാളെ മഴക്കാലപൂര്‍വ്വ ശുചീകരണ ദിനമായി ആചരിക്കും
കോഴിക്കോട്: കോവിഡ് വ്യാപനത്തിനിടയില്‍ മഴക്കാലപൂര്‍വ്വ രോഗങ്ങള്‍ കൂടി ജനങ്ങളെ വേട്ടയാടുന്ന സ്ഥിതി വരരുത് എന്ന ലക്ഷ്യത്തോടെ നാളെ മഴക്കാലപൂര്‍വ്വ ശുചീകരണ ദിനമാചരിക്കുമെന്ന് ഡിവൈഎഫ്ഐ. നിലവിലെ മഹാമാരിക്കാലത്ത് മഴക്കാലപൂര്‍വ്വ രോഗങ്ങള്‍ പൂര്‍ണമായും പ്രതിരോധിക്കാന്‍ നമുക്ക് സാധിക്കണമെന്നാണ് ഡിവൈഎഫ്ഐ യുടെ ആഹ്വാനം. ഇതിന്റെ ഭാഗമായി മഴക്കാലപൂര്‍വ്വ ശുചീകരണപ്രവര്‍ത്തനങ്ങള്‍ ഡിവൈഎഫ്ഐ ഫലപ്രദമായി സംഘടിപ്പിക്കുമെന്ന് ഡിവൈഎഫ്ഐ സംസ്ഥാന സെക്രട്ടറി എഎ റഹിം പറഞ്ഞു.
