ചേമഞ്ചേരി: തെരഞ്ഞെടുപ്പുമായി ബന്ധപ്പെട്ട് തിങ്കളാഴ്ച രാത്രി ചേമഞ്ചേരി ഈസ്റ്റ് കാഞ്ഞിലശ്ശേരി ബൂത്ത് (150) കത്തിച്ചതില്‍ പ്രതിഷേധിച്ച് ചേമഞ്ചേരിയില്‍ യുഡിഎഫ് ഇന്ന് കരിദിനം ആചരിക്കുന്നു.
കൊളക്കാട് ഷബീര്‍ എളവനക്കണ്ടി, മനോജ് കാപ്പാട്, സോമന്‍, എന്നീ പ്രവര്‍ത്തകര്‍ക്ക് നേരെ കയ്യേറ്റശ്രമവും നടന്നിരുന്നു. ഇതില്‍ പ്രതിഷേധിച്ചാണ് യു.ഡി.എഫ് കരിദിനമാചരിക്കുന്നത്.
എല്ലാ കവലകളിലും കറുത്ത കൊടി കെട്ടി UDF കരിദിനം എന്ന് എഴുതി. വൈകുന്നേരം 5 മണിക്ക് യു ഡി എഫ് പ്രവര്‍ത്തകര്‍ K A സൂപ്പര്‍ മാര്‍ക്കറ്റിന് മുന്‍പില്‍ പ്രതിഷേധ പ്രകടനം സംഘടിപ്പിക്കും. പൂക്കാട്ടങ്ങാടിയില്‍ വിശദീകരണയോഗവും ചേരും. തിങ്കളാഴ്ച നടന്ന അക്രമണ സംഭവത്തില്‍ പ്രചരണസാമഗ്രികളെല്ലാം കത്തി നശിച്ചിരുന്നു.