ഫറോക്ക്: ചാലിയാറിൽ ഫറോക്ക് പഴയപാലത്തിനു സമീപത്തായി 40 വയസ്സുള്ള പുരുഷന്റെ മൃതദേഹം കണ്ടെത്തി. ശനിയാഴ്ച വൈകീട്ട് മൂന്നോടെയാണ് മൃതദേഹം കണ്ടത്. ഷിനോജ് എന്നെഴുതിയ ഒരു കടലാസ് കീശയിൽനിന്ന്‌ പോലീസിനു കിട്ടിയിട്ടുണ്ട്.

167 സെ.മീറ്റർ ഉയരവും ഇരുനിറവുമാണ്. കഴുത്തിന്റെ വലതുഭാഗത്ത് മുറിവേറ്റിട്ടുണ്ട്. മൃതദേഹം കോഴിക്കോട് ഗവ. മെഡിക്കൽകോളേജ് മോർച്ചറിയിൽ സൂക്ഷിച്ചിരിക്കുകയാണ്. മരണപ്പെട്ട വ്യക്തിയെക്കുറിച്ച് വിവരമുള്ളവർ ഫറോക്ക് പോലീസ് സ്റ്റേഷനിൽ അറിയിക്കണമെന്ന് പോലീസ് അധികൃതർ അറിയിച്ചു. ഫോൺ നമ്പർ:0495 2482230, 949798078.