കോവിഡിനെ അതിജീവിക്കുക തന്നെ ചെയ്യും; ഓക്‌സീമീറ്ററുകള്‍ സംഭാവന ചെയ്ത് കൊയിലാണ്ടി കൂട്ടം
കൊയിലാണ്ടി: കോവിഡ് പ്രതിരോധത്തിന് കൈത്താങ്ങുമായി കൊയിലാണ്ടി കൂട്ടം. കൊയിലാണ്ടി നഗരസഭയിലേക്ക് 50 പള്‍സ് ഓക്‌സി മീറ്ററുകള്‍ സംഭാവന നല്‍കിയാണ് സംഘടന മാതൃകയായത്. അസീസ് മാസ്റ്റര്‍, റഷീദ് മൂടാടി, നിയാസ് അഹമ്മദ്, സഹീര്‍ ഗാലക്‌സി എന്നിവരാണ് സന്നദ്ധപ്രവര്‍ത്തനത്തില്‍ പങ്കാളികളായത്. ഇനിയും ആവിശ്യമുള്ള സാധനങ്ങള്‍ അറിയിച്ചാല്‍ മതിയെന്നും സഹായത്തിന് തയ്യാറാണെന്നും കൊയിലാണ്ടി കൂട്ടം പ്രവര്‍ത്തകര്‍ അറിയിച്ചു.
