കോഴിക്കോട്: ഫറോക്കിൽ വന്‍ ലഹരിമരുന്ന് വേട്ട. മൂന്ന് കോടി രൂപ വില വരുന്ന ഹാഷിഷ് ഓയിലുമായി ഒരാൾ പിടിയിൽ. കോഴിക്കോട് ഫ്രാന്‍സിസ് റോഡ് സ്വദേശി അന്‍വറാണ് അറസ്റ്റിലായത്. ഫറൂഖ് എക്‌സൈസ് സംഘമാണ് അന്‍വറിനെ പിടികൂടിയത്.

മൂന്ന് കിലോ ഹാഷിഷ് ഓയിലാണ് പിടികൂടിയത്. മൂന്ന് പൊതികളിലാക്കി ബാഗിലായിരുന്നു ഹാഷിഷ് ഓയില്‍. രഹസ്യ വിവരത്തിന്റെ അടിസ്ഥാനത്തിലായിരുന്നു എക്‌സൈസ് സംഘത്തിന്റെ നീക്കം. ആന്ധ്രയിലെ വിജയവാഡയില്‍ നിന്നാണ് അന്‍വര്‍ ഹാഷിഷ് ഒായിലുമായെത്തിയത്. രാമനാട്ടുകരയില്‍ ബസ് ഇറങ്ങുമ്പോഴായിരുന്നു പിടിയിലായത്.