കൊയിലാണ്ടി : തെരഞ്ഞെടുപ്പ് ജോലിക്കിടെ റൂട്ട് ഓഫീസര്‍ക്ക് മര്‍ദനമേറ്റതായി പരാതി. മുചുകുന്ന് നോര്‍ത്ത് യു.പി. സ്‌കൂള്‍ അധ്യാപകനായ എ.ടി. വിനീഷിനാണ് മര്‍ദനമേറ്റത്. മുചുകുന്ന് യു.പി. സ്‌കൂളില്‍ ഡ്യൂട്ടി ചെയ്യുമ്പോഴാണ് മര്‍ദിച്ചത്. ചൊവ്വാഴ്ച 5.40-നാണ് സംഭവം. സി.പി.എമ്മുകാരനായ പ്രവര്‍ത്തകനാണ് അടിച്ചു പരിക്കേല്‍പ്പിച്ചെന്നാണ് വിനീഷിന്റെ പരാതി. വിനീഷ് കൊയിലാണ്ടി താലൂക്ക് ഹെഡ്ക്വാര്‍ട്ടേഴ്സ് ആശുപത്രിയില്‍ ചികിത്സ തേടി.