പയ്യോളി: ഇരിങ്ങൽ സർഗാലയ കലാ-കരകൗശല ഗ്രാമത്തിൽ ഞായറാഴ്ചകളിൽ വിനോദ സഞ്ചാരികൾക്ക് പ്രവേശനമനുവദിക്കില്ല. ജില്ലയിൽ കോവിഡ് രൂക്ഷമാകുന്ന പശ്ചാത്തലത്തിൽ ഞായറാഴ്ചകളിൽ നിയന്ത്രണങ്ങൾ ഏർപ്പെടുത്തിക്കൊണ്ടുള്ള കളക്ടറുടെ ഉത്തരവു പ്രകാരമാണ് സർഗാലയയിൽ ഞായറാഴ്ചകളിലെ പ്രവേശനം നിർത്തിവെച്ചത്. വിനോദ സഞ്ചാര കേന്ദ്രങ്ങൾ, ബീച്ചുകൾ, പാർക്കുകൾ എന്നിവിടങ്ങളിൽ ഞായറാഴ്ചകളിൽ ആളുകളെ പ്രവേശിപ്പിക്കരുത് എന്ന് കളക്ടറുടെ ഉത്തരവിൽ പറഞ്ഞിരുന്നു.