മുസ്ലിം ലീഗ് നേതാവ് സി.പി.അബ്ദുല്ലയുടെ ചരമദിനത്തില്‍ ‘ഓര്‍മ്മ മരം’ നട്ട് യൂത്ത് ലീഗ്
മേപ്പയ്യൂര്‍: മുസ്ലിം ലീഗിന്റെ നേതാവ് സി.പി.അബ്ദുല്ലയുടെ മൂന്നാം ചരമവാര്‍ഷിക ദിനത്തില്‍ ഓര്‍മ്മ മരം നട്ട് യുത്ത് ലീഗ്. മേപ്പയ്യൂര്‍ പഞ്ചായത്ത് യുത്ത് ലീഗ് കമ്മിറ്റിയാണ് സി.പി ഓര്‍മ്മ മരം പദ്ധതി നടപ്പിലാക്കുന്നത്.
പദ്ധതിയുടെ എളമ്പിലാട് ശാഖാ തല ഉദ്ഘാടനം മേപ്പയ്യൂര്‍ വി.ഇ എം യു.പി സ്‌കൂളിന് സമീപം ഗ്രാമ പഞ്ചായത്തംഗം റാബിയ എടത്തിക്കണ്ടി ഫലവൃക്ഷ തൈ വെച്ച് നിര്‍വ്വഹിക്കുന്നു. പഞ്ചായത്ത് മുസ്ലിം ലീഗ് സെക്രട്ടറി മുജീബ് കോമത്ത് ,എളമ്പിലാട് ശാഖാ സെക്രട്ടറി ടി.കെ.ഷരീഫ്, യൂത്ത് ലീഗ് ഭാരവാഹികളായ, കെ.എം.അഫ്‌സല്‍, ലുബൈബ് എന്നിവര്‍ ചടങ്ങില്‍ പങ്കെടുത്തു.