വടകര: വടകരയില്‍ വീട്ടമ്മയെ ഭീഷണിപ്പെടുത്തി പീഡിപ്പിച്ച കേസിലെ പ്രതികളെ പൊലീസ് കസ്റ്റഡിയിലെടുത്തു. ബാബുരാജ്, തെക്കെ പറമ്പത്ത് ലിജീഷ് എന്നിവരെയാണ് കസ്റ്റഡിയിലെടുത്തത്. ഇരുവരും സിപിഎം പ്രവര്‍ത്തകരാണ്. രണ്ടുപേരെയും പാര്‍ട്ടിയുടെ പ്രഥാമിക അംഗത്വത്തില്‍ നിന്നും സ്ഥാനങ്ങളില്‍ നിന്നും പുറത്താക്കിയിരുന്നു.

കഴിഞ്ഞ മൂന്ന് മാസത്തോളമായി പ്രതികള്‍ പരാതിക്കാരിയായ വീട്ടമ്മയെ ഭീഷണിപ്പെടുത്തി പീഡിപ്പിക്കുകയായിരുന്നു എന്നാണ് പരാതി. മൂന്ന് മാസം മുന്‍പ് വീട്ടില്‍ ആളില്ലാത്ത സമയത്ത് രാത്രി പതിനൊന്ന് മണിയോടുകൂടി ബാബുരാജ് വീട്ടില്‍ അതിക്രമിച്ച് കടക്കുകയും പീഡിപ്പിക്കുകയുമായിരുന്നു. അതിന് ശേഷവും സമാനമായ രീതിയില്‍ പീഡനം തുടരുകയായിരുന്നു.

പീഡനവിവരം വീട്ടമ്മ ഭര്‍ത്താവിനെ അറിയിക്കുകയും ഇരുവരും പൊലീസില്‍ പരാതിപ്പെടുകയും ചെയ്തതോടെയാണ് പ്രതികള്‍ക്കെതിരെ കേസ് എടുത്തത്.