മുതിര്‍ന്ന കോണ്‍ഗ്രസ് നേതാവും കോഴിക്കോട് ഡി.സി.സി വൈസ് പ്രസിഡന്റുമായ ഇ.വി. ഉസ്മാന്‍ കോയ അന്തരിച്ചു
കോഴിക്കോട്: കോഴിക്കോട്ടെ സാമൂഹ്യ-സാംസ്‌ക്കാരിക – രാഷ്ടീയ രംഗങ്ങളിലെ നിറ സാന്നിദ്ധ്യമായിരുന്ന ഇറമാക്ക വീട്ടില്‍ ഇ.വി. ഉസ്മാന്‍ കോയ ഫ്രാന്‍സിസ് റോഡ് ‘രഹന മന്‍സിലി’ല്‍ അന്തരിച്ചു. 78 വയസ്സായിരുന്നു.
ജില്ലാ കോണ്‍ഗ്രസ് കമ്മിറ്റി വൈസ് പ്രസിഡന്റാണ്. കോഴിക്കോട് പൗരസമിതി ചെയര്‍മാന്‍, കേരള ഹാര്‍ട്ട് കേയര്‍ സൊസൈറ്റി ട്രഷറര്‍, ഖാസി ഫൌഡേഷന്‍ പ്രസിഡണ്ട്, മാപ്പിള സോങ് ലവ്വേര്‍സ് പ്രസിഡണ്ട്, കുറ്റിച്ചിറ യുവഭാവന പ്രസിഡണ്ട്, കെ. ഡി.എഫ്.എ. മുന്‍ വൈസ് പ്രസിഡണ്ട്, എം.എം.ഒ.എസ്.എ മുന്‍ വൈസ് പ്രസിഡണ്ട്, ഫ്രാന്‍സിസ് റോഡ് റസിഡന്‍സ് അസോസിയേഷന്‍ പ്രസിഡണ്ട്, തെക്കെപ്പുറം റസിഡന്‍സ് കോ-ഓര്‍ഡിനേഷന്‍ അഡൈ്വസര്‍, സിയെസ്‌കോ സീനിയര്‍ സിറ്റിസണ്‍ ഫോറം മുന്‍ വൈസ് ചെയര്‍മാന്‍ തുടങ്ങി ഒട്ടേറെ സംഘടനകളില്‍ സാരഥ്യം വഹിക്കുന്നു.
ഭാര്യ: പത്തായപുരയില്‍ സുഹറ. മക്കള്‍: ഫാത്തിമ, രഹന, തെസ്നീം, സീമ, റിജുന, ഫര്‍സീന, മരുമക്കള്‍: പള്ളി വീട്ടില്‍ അബ്ദുല്‍ നാസര്‍, മുസ്ല്ല്യാരകത്ത് മൊയ്തീന്‍ കുഞ്ഞി (കുവൈറ്റ്), കോശാനി വീട്ടില്‍ അബ്ദുല്‍ ഹമീദ് (ടീം തായ്), പൊന്മാണിച്ചികം ഫൗസിദ്, പാലാട്ട് ഫവാസ് (ദമ്മാം), സഹോദരങ്ങള്‍: ഇ.വി.മുസ്തഫ, ഇ.വി.ലത്തീഫ്, സൈനബി, മറിയംബി, സുബൈദ, ബിച്ചു, പരേതനായ ഇ.വി. അഹമ്മദ് കോയ, കദീശബി. മയ്യത്ത് നമസ്‌ക്കാരം വൈകുന്നേരം പരപ്പില്‍ ശാദുലിപ്പള്ളിയില്‍ നടന്നു.
.
കൊയിലാണ്ടി ന്യൂസിൽ നിന്നുള്ള വാർത്തകൾ മുടങ്ങാതെ വാട്ട്സ്ആപ്പിൽ ലഭിക്കാനായി ഇവിടെ ക്ലിക്ക് ചെയ്യുക