മലപ്പുറം നിലമ്പൂരില്‍ നൂറ് കുപ്പി വിദേശ മദ്യം പിടികൂടി
മലപ്പുറം: നിലമ്പൂരില്‍ വിദേശ മദ്യം പിടികൂടി. അനധികൃതമായി സൂക്ഷിച്ച നൂറ് കുപ്പി വിദേശമദ്യമാണ് പിടികൂടിയത്. അകമ്പാടം മൈലാടിപ്പൊട്ടി സ്വദേശി വടക്കെപുറം മുജീബ് റഹ്‌മാനാണ് മദ്യം സൂക്ഷിച്ചതെന്ന് എക്‌സൈസ് ഉദ്യേഗസ്ഥര്‍ പറഞ്ഞു.തെരഞ്ഞെടുപ്പിനോട് അനുബന്ധിച്ച് ബാറുകളും ബിവറേജസ് ഔട്ട് ലെറ്റുകളും അവധിയായതിനാല്‍ കരിഞ്ചന്തയില്‍ വില്‍ക്കാന്‍ വാങ്ങി സൂക്ഷിച്ചു വച്ച മദ്യമാണ് പിടികൂടിയത്. ജില്ലയില്‍ പരിശോധന കര്‍ശനമാക്കി.
