ബാലുശ്ശേരി: കോഴികൾ വളർത്തുന്നവരും വളർത്തിയിട്ടുള്ളവരുമാണ് നമ്മളിൽ ഭൂരിഭാഗംപേരും. ലോക്ക്ഡൗൺ കാലത്ത് കൂടുതൽ പേർ മുട്ടക്കോഴികളെ വളർത്താനും തുടങ്ങി. ആഴ്ചയിൽ കൂടിയാൽ അഞ്ചോ ആറോ മുട്ടകൾ വരെയാകും നല്ല ഇനം കോഴികളിൽ നിന്ന് ലഭിക്കുക. എന്നാൽ കോഴിക്കോട് ബാലുശ്ശേരിയിലെ ഒരു നാടൻ കോഴി എല്ലാവരെയും വിസ്മയിപ്പിച്ചിരിക്കുകയാണ്.

ഒ​റ്റ​ദി​വ​സം 11 മു​ട്ട​യി​ട്ടാണ് നാ​ട​ൻ​കോ​ഴി വീ​ട്ടു​കാ​രെ​യും നാ​ട്ടു​കാ​രെ​യും വി​സ്​​മ​യ​പ്പെ​ടു​ത്തിയത്. കൊ​ള​ത്തൂ​ർ യു പി സ്​​കൂ​ളി​ന​ടു​ത്ത് താ​മ​സി​ക്കു​ന്ന കു​ന്ന​ത്ത് മീ​ത്ത​ൽ മ​നോ​ജിന്റെ വീ​ട്ടി​ലെ കോ​ഴി​യാ​ണ് വ്യാ​ഴാ​ഴ്​​ച രാ​വി​ലെ ഏ​ഴു മു​ത​ൽ ഉ​ച്ച​ക്ക്​ ഒ​രു മ​ണി വ​രെ​യു​ള്ള ഇ​ട​വേ​ള​യി​ൽ 11 മു​ട്ട​ക​ളി​ട്ട​ത്.

ആകെ ഇട്ട മുട്ടകളിൽ 10 എണ്ണം സാധാരണ വലുപ്പത്തിലുള്ളതാണ്. ഒന്ന് കുറച്ച് വലുപ്പം കൂടിയതുമാണ്. അ​ര​മ​ണി​ക്കൂ​ർ ഇ​ട​വി​ട്ട് കൂട്ടി​ൽ ക​യ​റി​യാ​ണ് കോ​ഴി പ​തി​നൊ​ന്ന് മു​ട്ട​ക​ളു​മി​ട്ട​ത്. ബു​ധ​നാ​ഴ്​​ച കോ​ഴി ര​ണ്ടു മു​ട്ട​ക​ളി​ട്ടി​രു​ന്നു. മ​നോ​ജ് നാ​ല് മാ​സം മു​മ്പ് ക​പ്പു​റ​ത്തു​നി​ന്നുമാണ് ഈ നാടൻ കോഴിയെ വാ​ങ്ങി​യത്. കോ​ഴി​യെ​യും മു​ട്ട​ക​ളെ​യും കാ​ണാ​നാ​യി മനോജിന്റെ വീട്ടിൽ ഒട്ടേറെ സന്ദർശകരാണെത്തുന്നത്.