തിരുവന്തപുരം: ഹയര്‍ സെക്കന്ററി പ്രവേശനത്തിന് സംവരണേതര വിഭാഗങ്ങള്‍ക്ക് 10 ശതമാനം സംവരണം ഏർപ്പെടുത്തി വിദ്യാഭ്യാസ വകുപ്പ്. സാമ്പത്തികമായി പിന്നോക്കം നില്‍ക്കുന്നവര്‍ക്കാണ് സംവരണം. സർക്കാർ അം​ഗീകരിച്ച പ്ലസ് വൺ പ്രവേശനത്തിനുള്ള മാനദണ്ഡങ്ങളിലാണ് സംവരണ രീതി വ്യക്തമാക്കുന്നത്.

2014 ല്‍ അനുവദിച്ച പുതിയ ബാച്ചുകളില്‍ കുട്ടികളില്ലാത്തവ തുടരില്ല. ഈ ബാച്ചുകള്‍ മലബാറിലെ സര്‍ക്കാര്‍ സ്‌കൂളുകളിലേക്ക് മാറ്റാനും തീരുമാനമായി. നേരത്തെ തന്നെ മലബാർ മേഖലയിൽ നിന്ന് സമാന ആവശ്യം ഉയർന്നിരുന്നു. കൂടുതൽ സീറ്റുകൾ വേണം, ബാച്ചുകൾ വർധിപ്പിക്കണം എന്ന ആവശ്യമാണ് ഉയർന്നത്. ഈ ആവശ്യത്തിന് പുതിയ തീരുമാനം പരിഹാരമാകും.