പേരാമ്പ്രയിലെ സ്‌കൂളുകള്‍ ശുചീകരിക്കാനായി ‘സജ്ജം 2021’ ക്യാമ്പെയിനുമായി മുസ്ലിം യൂത്ത് ലീഗ്; വൈറ്റ് ഗാര്‍ഡിന്റെ ശുചീകരണ പ്രവൃത്തികള്‍ക്ക് തുടക്കം
പേരാമ്പ്ര: സംസ്ഥാനത്ത് സ്‌കൂളുകള്‍ തുറക്കാനൊരുങ്ങുന്ന സാഹചര്യത്തില്‍ ‘സജ്ജം 2021’ ക്യാമ്പെയിനുമായി മുസ്ലിം യൂത്ത് ലീഗ് പേരാമ്പ്ര നിയോജക മണ്ഡലം കമ്മിറ്റി. ക്യാമ്പെയിനിന്റെ ഭാഗമായി നവംബര്‍ ഒന്നിന് സ്‌കൂളുകള്‍ തുറക്കുന്നതിന് മുമ്പ് വൈറ്റ് ഗാര്‍ഡ് പഞ്ചായത്തിലെ വിവിധ സ്‌കൂളുകളില്‍ ശുചീകരണ പ്രവൃത്തികള്‍ നടത്തും. ശുചീകരണ പ്രവൃത്തിയ്ക്ക് പേരാമ്പ്ര എന്‍.ഐ.എം എല്‍.പി സ്‌കൂളില്‍ തുടക്കമായി.
ശുചീകരണ പ്രവൃത്തിയുടെ നിയോജക മണ്ഡലം തല ഉദ്ഘാടനം മുസ്ലിം ലീഗ് മണ്ഡലം ട്രഷറര്‍ എം.കെ.സി കുട്ട്യാലി നിര്‍വ്വഹിച്ചു. നിയോജക മണ്ഡലം ജനറല്‍ സെക്രട്ടറി ശിഹാബ് കന്നാട്ടി, വൈസ് പ്രസിഡന്റ് കെ.സി മുഹമ്മദ്, വൈറ്റ് ഗാര്‍ഡ് മണ്ഡലം ക്യാപ്റ്റന്‍ സഈദ് അയനിക്കല്‍, വൈസ് ക്യാപ്റ്റന്‍ നൗഷാദ് കല്ലൂര്‍, പേരാമ്പ്ര പഞ്ചായത്ത് മുസ്ലിം ലീഗ് ജനറല്‍ സെക്രട്ടറി കെ.പി റസാഖ്, ആര്‍.കെ മുഹമ്മദ്, പി.കെ നിയാസ്, കെ.കെ സാലിഹ്, മുഹമ്മദ് യാസീന്‍, ഫാസില്‍ പുന്നാറത്ത്, ഷിഫാസ്. പി, വി.പി നിസാര്‍, ദില്‍ഷാദ് യു.പി, മുഹമ്മദ് സാലിം എന്നിവര്‍ നേതൃത്വം നല്‍കി.