പാലക്കാട്: പാലക്കാട് ജില്ലയിലെ ത​ച്ച​മ്പാ​റയിൽ എ​സ്.​ബി.​ഐ​യു​ടെ എ.​ടി.​എം മെ​ഷീ​ൻ കത്തിക്കാൻ ശ്രമം. ത​ച്ച​മ്പാ​റ ടൗ​ണി​ലെ എ​സ്.​ബി.​ഐ ബാ​ങ്കി​ന് സ​മീ​പ​ത്തെ എ.​ടി.​എം കൗ​ണ്ട​റി​ലാ​ണ് വെ​ള്ളി​യാ​ഴ്ച പു​ല​ർ​ച്ച നാ​ലോ​ടെ എ.​ടി.​എം മെ​ഷീ​ൻ ക​ത്തി​ക്കാ​ൻ ശ്ര​മം ന​ട​ന്ന​ത്. എ.​ടി.​എം കൗ​ണ്ട​റി​ലെ​ത്തി​യ യു​വാ​വെ​ന്ന് തോ​ന്നി​ക്കു​ന്ന​യാ​ൾ വേ​സ്​​റ്റ്​ ബി​ന്നി​ൽനി​ന്ന് പേ​പ്പ​ർ എ​ടു​ത്ത് കൈ​വ​ശ​മു​ള്ള സി​ഗ​റ​റ്റ് ലാ​മ്പ് ഉ​പ​യോ​ഗി​ച്ച് ക​ത്തി​ക്കു​ക​യും ക​ത്തി​യ ക​ട​ലാ​സ് മെ​ഷീ​നി​ലി​ടു​ന്ന​താ​യും സി.​സി.​ടി.​വി കാ​മ​റ ദൃ​ശ്യ​ങ്ങ​ളി​ലു​ണ്ട്.

10 മി​നി​റ്റി​ന​കം എ.​ടി.​എം മെ​ഷീെൻറ കീ​പാ​ഡ് ക​ത്തി​ന​ശി​ച്ചു. പാ​ഡിെൻറ പ്ലാ​സ്​​റ്റി​ക് ക​വ​ർ ക​ത്തി​യാ​ണ് കീ​പാ​ഡ് ന​ശി​ച്ച​ത്. പ​ണം മോ​ഷ്​​ടി​ക്കാ​നു​ള്ള ശ്ര​മ​മൊ​ന്നും ന​ട​ന്നി​ട്ടി​ല്ലെ​ന്ന് ബ്രാ​ഞ്ച് മാ​നേ​ജ​ർ ടി. ​ഉ​ണ്ണി​കൃ​ഷ്ണ​ൻ പ​റ​ഞ്ഞു. തീ​യി​ട്ട ശേ​ഷം ഇ​യാ​ൾ ഇ​റ​ങ്ങി​പ്പോ​കു​ന്ന​താ​യും ദൃ​ശ്യ​ങ്ങ​ളി​ലു​ണ്ട്. മ​ദ്യ​ല​ഹ​രി​യി​ലോ മാ​ന​സി​ക അ​സ്വ​സ്ഥ​ത​യോ ഉ​ള്ള വ്യ​ക്തി​യാ​വാം തീ​വെ​പ്പി​ന് പി​ന്നി​ലെ​ന്നാ​ണ് പ്രാ​ഥ​മി​ക നി​ഗ​മ​നം.

ക​ല്ല​ടി​ക്കോ​ട് പൊ​ലീ​സ് സ്ഥ​ല​ത്തെ​ത്തി പ​രി​ശോ​ധി​ച്ചു. എ.​ടി.​എം കൗ​ണ്ട​ർ വി​ദ​ഗ്ധ പ​രി​ശോ​ധ​ന​ക്കാ​യി അ​ട​ച്ചി​ട്ടു. മെ​ഷീ​ന് അ​ക​ത്ത് കേ​ടു​പാ​ടു​ക​ൾ സം​ഭ​വി​ച്ചി​ട്ടു​ണ്ടോ എ​ന്ന കാ​ര്യം പ​രി​ശോ​ധി​ച്ചാ​ലേ വ്യ​ക്ത​മാ​വൂ. വി​ര​ല​ട​യാ​ള​മു​ൾ​പ്പെ​ടെ​യു​ള്ള ശാ​സ്ത്രീ​യ തെ​ളി​വു​ക​ൾ ശേ​ഖ​രി​ക്കും. ബ്രാ​ഞ്ച് മാ​നേ​ജ​റു​ടെ പ​രാ​തി പ്ര​കാ​രം ക​ല്ല​ടി​ക്കോ​ട് പൊ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി.

വീഡിയോ കാണാം:

പേരാമ്പ്ര ന്യൂസ് ഡോട് കോമിന്റെ വാട്ട്സ്ആപ്പ് ഗ്രൂപ്പിൽ അംഗമാകാനായി ഇവിടെ ക്ലിക്ക് ചെയ്യുക.