നിപ ആശങ്കയൊഴിയുന്നു; ഓമശേരി അമ്പലക്കണ്ടിയില്‍ ചത്ത നിലയില്‍ കണ്ടെത്തിയ വവ്വാലുകളുടെ പരിശോധനാ ഫലവും നെഗറ്റീവ്
കോഴിക്കോട്: ഓമശേരി അമ്പലക്കണ്ടിയില്‍ ചത്ത നിലയില്‍ കണ്ടെത്തിയ വവ്വാലുകളുടെ സാമ്പിളില്‍ നടത്തിയ പരിശോധനാഫലം നെഗറ്റീവ്. വവ്വാലുകളില്‍ നിപാ വൈറസ് ബാധയില്ലെന്ന് സ്ഥിരീകരിച്ചതായി ആനിമല്‍ ഹസ്ബന്ററി ഡിപ്പാര്‍ട്മെന്റ് ജില്ലാ ഡെപ്യൂട്ടി ഡയറക്ടര്‍ ഡോ. കെ കെ ബേബി അറിയിച്ചു.
നിപാ ബാധിച്ച് മരിച്ച മുഹമ്മദ് ഹാഷിമിന്റെ വീടുള്‍പ്പെടുന്ന ചാത്തമംഗലം പഞ്ചായത്തിനോട് ചേര്‍ന്നുള്ള അമ്പലക്കണ്ടിയിലാണ് കഴിഞ്ഞ ദിവസം വവ്വാലുകളെ ചത്ത നിലയില്‍ കണ്ടെത്തിയത്. നാട്ടുകാര്‍ വിവരമറിയിച്ചതിനെ തുടര്‍ന്ന് വിദഗ്ധര്‍ നേരിട്ടെത്തി വവ്വാലുകളെ നാഷണല്‍ ഇന്‍സ്റ്റിറ്റ്യൂട്ട് ഓഫ് ഹൈ സെക്യൂരിറ്റി ആനിമല്‍ ഡിസീസസിലെ ലബോറട്ടറിയില്‍ എത്തിച്ചു. അവിടെ നടത്തിയ പരിശോധനയിലാണ് നിപാ വൈറസ് ബാധയില്ലെന്ന് സ്ഥിരീകരിച്ചത്.