നടുറോഡില്‍ മിന്നലിടിച്ച യുവാവ് അത്ഭുതകരമായി രക്ഷപ്പെട്ടു; ഇന്തോനേഷ്യയിലെ സൂപ്പര്‍പവറില്ലാത്ത ‘മിന്നല്‍ മുരളി’യെ കാണാം (വീഡിയോ)
മിന്നലിടിച്ച് മിന്നല്‍ മുരളി സൂപ്പര്‍ ഹീറോ ആയി മാറി. മിന്നല്‍ മുരളിയെ കേരളത്തിന്റെ സൂപ്പര്‍ ഹീറോ ആയി പ്രേക്ഷകര്‍ ഏറ്റെടുത്തും കഴിഞ്ഞു. എന്നാല്‍ മിന്നല്‍ ഇടിച്ചാല്‍ ശരിക്കുമുള്ള അവസ്ഥ എന്താണ്? അത് കാണണമെങ്കില്‍ ഇന്തോനേഷ്യയില്‍ നിന്നുള്ള ഈ സി.സി.ടി.വി ദൃശ്യങ്ങള്‍ കാണണം. സൂപ്പര്‍ ഹീറോ ആയില്ലേലും ജീവന്‍ കിട്ടിയാല്‍ ഭാഗ്യം എന്ന് പറയും എല്ലാവരും.
ജക്കാര്‍ത്തയുടെ വടക്ക് ഭാഗത്ത് മെഷിനറികള്‍ കൈകാര്യം ചെയ്യുന്ന കമ്പനിയിലെ സുരക്ഷാ ഉദ്യോഗസ്ഥന് മിന്നലേല്‍ക്കുന്നതിന്റെ ദൃശ്യങ്ങളാണ് വൈറലായിരിക്കുന്നത്.
മഴയത്ത് കുട ചൂടി നടക്കുകയായിരുന്നു യുവാവ്. കുറച്ച് നിമിഷങ്ങള്‍ക്കകം ഇയാള്‍ക്കരികില്‍ മിന്നല്‍ അടിക്കുകയായിരുന്നു. തുടര്‍ന്ന് യുവാവ് നിലത്തേക്ക് വീഴുകയും സഹപ്രവര്‍കര്‍ ഓടിയടുക്കുകയും ചെയ്യുന്നത് വഡിയോയില്‍ കാണാം.
നാലുദിവസത്തെ ആശുപത്രി വാസത്തിനുശേഷം യുവാവിനെ ഡിസ്ചാര്‍ജ് ചെയ്ത് വീട്ടില്‍ നിരീക്ഷണത്തിലാക്കിയിരിക്കുകയാണ്. യുവാവിന്റെ കയ്യിലുണ്ടായിരുന്ന വോക്കി ടോക്കി കാരണമാണ് മിന്നലേറ്റതെന്നാണ് പ്രാഥമിക വിവരം.
എന്തായാലും ഇയാള്‍ക്ക് വലിയ അപകടമൊന്നും സംഭവിച്ചില്ലയെന്നത് വീഡിയോ കാണുന്നവര്‍ക്ക് ഒരു അത്ഭുതമായി തോന്നും.
വീഡിയോ കാണാംം:
Security officer in Jakarta was struck by lightning while on duty, avoid using radio and cellular telephones when it is raining, the condition of the victim survived after 4 days of treatment. not everyone has the same chance to live. 当選確率 #Bitcoin #NFTs $BTC $ETH #ALERT pic.twitter.com/4XhW6Oh3U9
— Lexus RZ (@Heritzal) December 26, 2021