തൊഴിലാളികളേ പേടി വേണ്ട, വോട്ട് ചെയ്യേണ്ടത് എങ്ങനെയെന്ന് പറയാന്‍ വോട്ടുവണ്ടിയെത്തി
വടകര: തൊഴിലുറപ്പ് തൊഴിലാളികള്‍ക്ക് വോട്ടിങ് മെഷീന്‍ പരിചയപ്പെടുത്താന്‍ വോട്ടു വണ്ടിയെത്തി. തിരഞ്ഞെടുപ്പ് ബോധവല്‍ക്കരണത്തിന്റെ ഭാഗമായി ജില്ലാ ഭരണകൂടം സജ്ജമാക്കിയ വോട്ടു വണ്ടി തിരുവള്ളൂര്‍, തോടന്നൂര്‍, നാദാപുരം ബസ് സ്റ്റാന്‍ഡ് എന്നിവിടങ്ങളില്‍ ഇന്നലെ ക്യാംപ് നടത്തി. വണ്ടി ഏപ്രില്‍ 2 വരെ കോഴിക്കോട് ജില്ലയുടെ വിവിധ ഭാഗങ്ങളിലെത്തി പരിശീലനം നല്‍കും.
