മൂടാടി: കൊയിലാണ്ടി മൂടാടിയിൽ ഇരുപത്തിയാറുകാരൻ കോവിഡ് ബാധിച്ച് മരിച്ചു. കൊയിലാണ്ടി മുചുകുന്ന് ചെറുവാനത്ത് മീത്തൽ ശ്രീരാഗ് (സാബു) ആണ് മരിച്ചത്. കോവിഡ് പോസിറ്റീവ് ആയതിനെ തുടർന്ന് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം.

കൂലിപ്പണിക്കാരനാണ് ശ്രീരാഗ്. അച്ഛൻ ബാബു ഒരാഴ്ച മുമ്പ് കോവിഡ് ബാധിച്ച് മരണപ്പെട്ടിരുന്നു.
അച്ഛന്റെ സമ്പർക്കത്തിൽ പെട്ടാണ് ശ്രീരാഗിന് കോവിഡ് ബാധിച്ചത്.
കുടുംബത്തിൽ മറ്റാർക്കും രോഗം ബാധിച്ചില്ല.

മൃതദേഹം കോഴിക്കോട് മെഡിക്കൽ കോളജ് ആശുപത്രിയിൽ സൂക്ഷിച്ചിരിക്കുകയാണ്. ഉടൻതന്നെ ബന്ധുക്കൾക്ക് വിട്ടു നൽകും എന്നാണ് പ്രാഥമിക വിവരം. ഇന്ന് പതിനൊന്നരയോടെ സംസ്കാരം നടക്കും. അമ്മ: സരസ. സഹോദരൻ: രാഹുൽ.