കൊയിലാണ്ടി: എൻഡിഎ സ്ഥാനാർത്ഥി എൻ.പി.രാധാകൃഷ്ണന് തെരഞ്ഞെടുപ്പിൽ കെട്ടിവെക്കാനുള്ള സംഖ്യ കൊയിലാണ്ടി കടലോരത്തെ മൽസ്യതൊഴിലാളികൾ നൽകി. കൊല്ലം ഗുരുകുലം ബീച്ചിലെ അയോദ്ധ്യാ വഞ്ചിയിലെ മത്സ്യതൊഴിലാളികളാണ് കെട്ടിവെക്കാനുള്ള സംഖ്യനൽകിയത്.

വഞ്ചിലീഡർ പി.കെ.ശിശുപാലൻ സ്ഥാനാർത്ഥി എൻ.പി.രാധാകൃഷ്ണന് തുക കൈമാറി. ബിജെപിയുടെ മത്സ്യത്തൊഴിലാളി മോർച്ചയുടെ സംസ്ഥാന നേതാവാണ് എൻഡിഎ സ്ഥാനാർത്ഥി രാധാകൃഷ്ണൻ.

ചടങ്ങിൽ ടി.സി.സുമേഷ്, ടി.സി.പ്രജോഷ്, ടി.വി.സുനിൽ, ടി.സി.ശ്രീനു, കൗൺസിലർമാരായ സിന്ധു സുരേഷ്, വി.കെ.സുധാകരൻ, കെ.വി.സുരേഷ്, എസ്.ആർ.ജയ് കിഷ്, എം.സി.ശശീന്ദ്രൻ എ.പി.രാമചന്ദ്രൻ വി.കെ.ജയൻ, വി.കെ.മുകുന്ദൻ, ഒ.മാധവൻ തുടങ്ങിയവർ സംബന്ധിച്ചു.