എസ് എസ് എല്‍ സി ഫലം ജൂലായ് 15ന് പ്രസിദ്ധീകരിക്കും;തീരുമാനമാകാതെ ഗ്രേസ് മാര്‍ക്ക്‌
തിരുവനന്തപുരം : ഈ വര്‍ഷത്തെ എസ് എസ് എല്‍ സി ഫലം ജൂലായ് 15ന് പ്രസിദ്ധീകരിക്കും. ഫലപ്രഖ്യാപനത്തിനുള്ള അവസാന വട്ട ജോലികള്‍ പുരോഗമിക്കുകയാണ്. ടാബുലേഷന്‍ ജോലികള്‍ കഴിഞ്ഞാലുടന്‍ ഫലപ്രഖ്യാപനം നടത്തുന്നതിനായി പരീക്ഷാ ബോര്‍ഡ് അംഗീകാരം നല്‍കും.
അതേസമയം ഇക്കുറി ഗ്രേസ് മാര്‍ക്കിനെ കുറിച്ചുള്ള തീരുമാനത്തില്‍ പ്രതിഷേധം പുകയുകയാണ്. എന്‍.സി.സി, സ്‌കൗട്ട്സ് എന്നിവര്‍ക്ക് ഗ്രേസ്മാര്‍ക്ക് മുന്‍ വര്‍ഷത്തേ പോലെ നല്‍കണമെന്നാണ് വിദ്യാര്‍ത്ഥികളുടേയും അദ്ധ്യാപകരുടേയും ആവശ്യം. ഇക്കാര്യത്തില്‍ ഇനിയും അന്തിമ തീരുമാനമായിട്ടില്ല.