ഈസ്റ്റര്‍ ദിനത്തില്‍ പുതിയ ചിത്രത്തിന്റെ പ്രഖ്യാപനവുമായി നിവിന്‍ പോളി
ഈസ്റ്റര്‍ ദിനത്തില്‍ പുതിയ ചിത്രം പ്രഖ്യാപിച്ച് നിവിന്‍ പോളി. ‘താരം’ എന്ന് പേരിട്ടിരിക്കുന്ന ചിത്രം വിനയ് ഗോവിന്ദ് സംവിധാനം ചെയ്യും. കിളി പോയി, കോഹിനൂര്‍ എന്നീ ചിത്രങ്ങള്‍ക്ക് ശേഷം വിനയ് ഗോവിന്ദ് സംവിധാനം ചെയ്യുന്ന ചിത്രമാണ് താരം.
കിളി പോയി എന്ന സിനിമയുടെ തിരക്കഥാകൃത്ത് കൂടിയായ വിവേക് രഞ്ജിത് ആണ് താരത്തിന് തിരക്കഥ ഒരുക്കിയിരിക്കുന്നത്. മലയാളത്തില്‍ മരക്കാര്‍, തൊണ്ടിമുതലും ദൃക്‌സാക്ഷിയും, ലൂസിഫര്‍, ഉണ്ട ഉള്‍പ്പെടെ നൂറിലധികം ചിത്രങ്ങള്‍ക്ക് സബ് ടൈറ്റില്‍ തയ്യാറാക്കിയതും വിവേക് രഞ്ജിത് ആയിരുന്നു.
