പാലക്കാട്: അട്ടപ്പാടിയില്‍ ആദിവാസി യുവാവിനെ ബന്ധു കല്ലുകൊണ്ട് എറിഞ്ഞ് കൊലപ്പെടുത്തി. പരപ്പൻതറ സ്വദേശി നാഗൻ ആണ് കൊല്ലപ്പെട്ടത്. നാഗന്‍റെ സഹോദരി ഭര്‍ത്താവാണ് വാക്കേറ്റത്തിനിടെ കല്ലുകൊണ്ട് എറിഞ്ഞത്.

സ്ഥലത്തെ ചൊല്ലി സഹോദരിയുടെ ഭര്‍ത്താവുമായുണ്ടായ വാക്കുതർക്കമാണ് കൊലപാതകത്തിൽ കലാശിച്ചത്. ഇരുവരും തമ്മില്‍ ശക്തമായ വാക്കേറ്റമുണ്ടായെന്നും പ്രകോപിതനായ സഹോദരിയുടെ ഭര്‍ത്താവ് നാഗന് നേരെ കല്ലെടുത്ത് എറിയുകയായിരുന്നുവെന്നും പൊലീസ് പറഞ്ഞു.