കണ്ണൂർ: തളിപ്പറമ്പിൽ എം.ഡി.എം.എ യുമായി യുവാവ് പിടിയിൽ. അതിഥി തൊഴിലാളിയായ ഉത്തർപ്രദേശ് സിദ്ധാർത്ഥ് നഗർ സ്വദേശി അബ്ദുള്‍ റഹ്മാൻ അൻസാരി (21)യാണ് പിടിയിലായത്.

ശനിയാഴ്ച ഉച്ചക്ക് ചൊറുക്കള ബാവുപ്പറമ്പ് റോഡില്‍ വെച്ചാണ് നാല് ഗ്രാം എം.ഡി.എം.എയുമായി ഇയാൾ പിടിയിലായത്. എസ്‌.ഐ ദിനേശൻ കൊതേരിയുടെയും ഡാൻസാഫിന്റെയും നേതൃത്വത്തില്‍ നടത്തിയ പരിശോധനയിലാണ് യുവാവ് പിടിയിലായത്.

കഴിഞ്ഞ ഏപ്രില്‍ 19ന് ഇയാളെയും ഭാര്യയെയും 1.200 കിലോഗ്രാം കഞ്ചാവ് സഹിതം തളിപ്പറമ്പ് പൊലീസ് പിടികൂടിയിരുന്നു. കഴിഞ്ഞ ദിവസം കർണ്ണാടക സ്വദേശിയെ കുറുമാത്തൂർ നെടുമുണ്ടയില്‍നിന്ന് 200 ഗ്രാം എം.ഡി.എം.എ സഹിതം പിടികൂടിയിരുന്നു.

Summary: Youth arrested with MDMA in Kannur