കണ്ണൂർ: നീങ്ങിത്തുടങ്ങിയ തീവണ്ടിയിലേക്ക് ഓടിക്കയറാൻ ശ്രമിച്ച്‌ പിടിവിട്ട് പ്ലാറ്റ്ഫോമിനിടയിലേക്ക് വീണ പെണ്‍കുട്ടി അത്ഭുതകരമായി രക്ഷപെട്ടു. ഇരിട്ടി സ്വദേശിയായ 19-കാരിയാണ് രക്ഷപ്പെട്ടത്. ഞായറാഴ്ച രാവിലെ കണ്ണുർ റെയില്‍വേ സ്റ്റേഷനിലായിരുന്നു സംഭവം. പെൺകുട്ടിക്ക് ചെറിയ പരിക്കുകളുണ്ട്.

പുതുച്ചേരി-മംഗളരു പ്രതിവാര ട്രെയിനില്‍ തലശ്ശേരിയില്‍ നിന്ന് മംഗളുരുവിലേക്ക് യാത്ര ചെയ്യുകയായിരുന്നു പെണ്‍കുട്ടി. ട്രെയിൻ കണ്ണൂർ എത്തിയപ്പോള്‍ ബിസ്കറ്റും മറ്റും വാങ്ങാൻ ഇറങ്ങി. സാധനം വാങ്ങുന്നതിനിടയില്‍ വണ്ടി വിട്ടു. സാധനം കടയില്‍വെച്ച്‌ ഓടിക്കയറാൻ ശ്രമിക്കുന്നതിനിടെയാണ് വീണത്.

യാത്രക്കാരും റെയില്‍വേ പോലീസും കാറ്ററിങ് തൊഴിലാളികളും വിളിച്ചു പറഞ്ഞ് വണ്ടി നിർത്തിയാണ് പെണ്‍കുട്ടിയെ രക്ഷപ്പെടുത്തിയത്. ജില്ലാ ആസ്പത്രിയില്‍ ചികിത്സ തേടിയ പെണ്‍കുട്ടി പിന്നീട് മറ്റൊരു വണ്ടിയില്‍ മംഗളുരുവിലേക്ക് യാത്ര തുടർന്നു. കണ്ണൂർ സ്റ്റേഷനില്‍ തീവണ്ടി നിർത്താൻ അനുവദിച്ച സമയം മുന്നു മിനുട്ടാണ്. അതറിയാതെയാണ് പല യാത്രക്കാരും വെള്ളം വാങ്ങാനും മറ്റും ഇറങ്ങി ഓടികയറാൻ ശ്രമിക്കുന്നത്.

Summary: While trying to run into a moving train in Kannur, he was caught and fell onto the track; The 19-year-old had a miraculous escape