നാദാപുരം: വളയം മുതുകുറ്റിയില്‍ ബുള്ളറ്റ് ബൈക്ക് തടഞ്ഞുനിര്‍ത്തി അക്രമിച്ചതായി പരാതി. മുതുകുറ്റിയിലെ സന്തോഷ് കുമാര്‍ (52) കൊല്ലം അഞ്ചല്‍ സ്വദേശി ശ്രീസദനത്തില്‍ കൊച്ചുമോന്‍ (40) എന്നിവര്‍ക്കാണ് പരിക്കേറ്റത്. ബുധനാഴ്ച പകല്‍ 11മണിയോടെയാണ് സംഭവം.

ഇരുമ്പുവടികൊണ്ടുള്ള അടിയേറ്റ് തലയ്ക്ക് സാരമായി പരിക്കേറ്റ ഇരുവരെയും വളയം ഗവ.ആശുപത്രിയില്‍ പ്രാഥമിക ചികിത്സ നല്‍കിയശേഷം കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

മലപ്പുറം നിലമ്പൂര്‍ സ്വദേശി കിരണ്‍ (35) ആണ് അക്രമിച്ചതെന്ന് പരിക്കേറ്റവര്‍ പോലീസില്‍ മൊഴി നല്‍കിയിട്ടുണ്ട്. റബര്‍വെട്ട് ജോലിക്കെത്തിയവരാണ് എല്ലാവരും. മൂന്ന് മാസം മുമ്പ് മുതുകുറ്റിയില്‍ നിന്ന് ഒട്ടുപാലും 78 റബ്ബര്‍ഷീറ്റുകളും മോഷണം പോയിരുന്നു. ഇതുസംബന്ധിച്ച തര്‍ക്കമാണ് അക്രമത്തില്‍ കലാശിച്ചത് എന്നാണ് വിവരം. സംഭവത്തില്‍ വളയം പോലീസ് കേസെടുത്ത് അന്വേഷണം ആരംഭിച്ചു.

Description: Violence by stopping the bike in the valayam; Two people were injured