വാണിമേൽ: ‘മഴവില്ല് 2024’ ബഡ്സ് ജില്ലാ കലോത്സവത്തിൽ 70 പോയിന്റുമായി വാണിമേൽ ബഡ്സ് സ്കൂൾ ജേതാക്കളായി. കുടുംബശ്രീ ജില്ലാ മിഷൻ നടത്തിയ കലോത്സവത്തിൽ പുതുപ്പാടി ബഡ്സ് സ്‌കൂള്‍ (27) രണ്ടാം സ്ഥാനവും, മാവൂർ ബഡ്സ് സ്‌കൂള്‍ (24) മൂന്നാം സ്ഥാനവും നേടി. 40 ബെഡ്സ് സ്ഥാപനങ്ങളിൽ നിന്നായി 350ലധികം കുട്ടികളാണ് ഇത്തവണ വേദികളിലെത്തിയത്‌.

ലളിതഗാനം, ഉപകരണസംഗീതം, പ്രച്ഛന്നവേഷം, ഒപ്പന, സംഘനൃത്തം, നാടോടിനൃത്തം, ബാൻഡ് മേളം, തായമ്പക തുടങ്ങിയ ഇനങ്ങളില്‍ ജൂനിയർ, സീനിയർ വിഭാഗങ്ങളിലായിരുന്നു മത്സരങ്ങൾ. വിജയികൾക്ക് കുടുംബശ്രീ എക്സിക്യൂട്ടീവ് അംഗം കെ.കെ ലതിക ട്രോഫി വിതരണം ചെയ്തു.

തൂണേരി പഞ്ചായത്ത് പ്രസിഡണ്ട്‌ സുധാ സത്യൻ, കുടുംബശ്രീ ജില്ലാ മിഷൻ കോഡിനേറ്റർ പി.സി കവിത, അസിസ്റ്റന്റ്‌ ജില്ലാ മിഷന്‍ കോഡിനേറ്റർമാരായ പി.സൂരജ്, പി.എൻ സുശീല, ജില്ലാ പ്രോഗ്രാം മാനേജർ ആർ.അനഘ എന്നിവർ സംസാരിച്ചു.