മേപ്പയ്യൂരിൽ ലോക സംഗീത ദിനത്തോടനുബന്ധിച്ച് വടക്കൻപാട്ട് കലാകാരികളെ ആദരിച്ചു
മേപ്പയ്യൂർ: ലോക സംഗീതദിനാ ഘോഷത്തിന്റെ ഭാഗമായി മേപ്പയ്യൂരിലെ വടക്കൻപാട്ട് കലാകാരികളായ മാത ഉന്തുമ്മൽ, ലീല ചാലിൽ, കമല ചാലിൽ എന്നിവരെ മേപ്പയ്യൂർ ജി.വി.എച്ച്.എസ്.എസ്. വിദ്യാരംഗം കലാസാഹിത്യവേദി ആദരിച്ചു. വായനസമിതി കൺവീനർ ഇഷ്റ പവിൻ അധ്യക്ഷയായി.
ഹൈസ്കൂൾ അഡീഷണൽ പ്രധാനാധ്യാപകൻ സന്തോഷ് സാദരം ഉദ്ഘാടനം ചെയ്തു. അദ്ദേഹം കലാകാരികളെ പൊന്നാടയണിയിച്ചു. ഇ.പ്രകാശൻ, അശോകൻ തായാട്ട്, മോഹൻദാസ് അയ്യറോത്ത്, പി.കെ.ഷാഹിദ എന്നിവർ സംസാരിച്ചു.
