വടകര: കൂത്തുപറമ്പ് രക്തസാക്ഷികളുടെ അനശ്വര സ്മരണ പുതുക്കി നാട്. ഡി.വൈ.എഫ്.ഐ വടകര ബ്ലോക്ക് കമ്മിറ്റി നേതൃത്വത്തിൽ കോട്ടപ്പള്ളിയിൽ യുവജന റാലിയും പൊതുസമ്മേളനവും നടന്നു. നൂറ് കണക്കിന് യുവതി യുവാക്കൾ പങ്കെടുത്ത യുവജന റാലി ചെമ്മരത്തൂരിൽ നിന്നും ആരംഭിച്ച് കോട്ടപ്പള്ളിയിൽ സമാപിച്ചു.

പൊതു സമ്മേളനം എസ്.എഫ്.ഐ അഖിലേന്ത്യാ വൈസ് പ്രസിഡന്റ് നിതീഷ് നാരായണൻ ഉദ്ഘാടനം ചെയ്തു. ഡി.വൈ.എഫ്.ഐ ബ്ലോക്ക് പ്രസിഡൻ്റ് ആർ.എസ്.റിബേഷ് അധ്യക്ഷത വഹിച്ചു. സിപിഐഎം ഏരിയ സെക്രട്ടറി ടി.പി.ഗോപാലൻ, ആർ.കെ.ചന്ദ്രൻ, എം.കെ.വികേഷ്, കെ.സുബിഷ, എസ്.എഫ്.ഐ ജില്ലാ പ്രസിഡൻ്റ് ടി.പി.അമൽ രാജ്, ടി.ജനീഷ്, ജിഷ്ണു തുടങ്ങിയവർ സംസാരിച്ചു.

Summary: Vadakara renews the memory of Kuthuparam martyrs