വിലങ്ങാടിന് കൈത്താങ്ങായി വടകര റൂറല്‍ ബാങ്ക്; ദുരിതബാധിതര്‍ക്ക്‌ കട്ടിലുകള്‍ കൈമാറി
വടകര: വിലങ്ങാട് ഉരുള്‍പൊട്ടലില്‍ ദുരിതമനുഭവിക്കുന്നവര്‍ക്ക് സഹായവുമായി വടകര കോ.ഓപ്പറേറ്റീവ് റൂറല്‍ ബാങ്ക്. ദുരിതബാധിതര്‍ക്കായി 10 കട്ടിലുകള്‍ വിതരണം ചെയ്തു. വിലങ്ങാട് പാരിഷ് ഹാളിൽ വെച്ച് ബാങ്ക് പ്രസിഡന്റ് സി. ഭാസ്കരൻ മാസ്റ്റർ വിലങ്ങാട് വില്ലേജ് അസിസ്റ്റൻ്റ് മണിക്കുട്ടന് കട്ടിലുകൾ കൈമാറി.
ഭരണ സമിതി അംഗങ്ങളായ എ.ടി ശ്രീധരൻ, എ.കെ ശ്രീധരൻ, സി കുമാരൻ, സെക്രട്ടറി ടി.വി ജിതേഷ്, ട്രൈബൽ പ്രൊമോട്ടർമാരായ ശോഭന, സജ്‌ന, സജി, സുരേഷ് എന്നിവർ പരിപാടിയിൽ സംബന്ധിച്ചു.
വയനാട് ഉരുള്‍പ്പൊട്ടലില്‍ ദുരിതമനുഭവിക്കുന്നവരെ സഹായിക്കാനായി ബാങ്ക് മുഖ്യമന്ത്രിയുടെ ദുരിതാശ്വാസ നിധിയിലേക്ക് 10 ലക്ഷം രൂപ അടുത്തിടെ നല്‍കിയിരുന്നു.
Description: Vadakara Cooperative Rural Bank to help those affected by the Vilangad landslide