യുപിഐ ഉപയോഗിക്കുമ്പോൾ ഇക്കാര്യങ്ങൾ ശ്രദ്ധിക്കണം; അല്ലെങ്കിൽ നാളെ മുതൽ പണം അയക്കാൻ കഴിയില്ല
ന്യൂഡൽഹി: ഇനി മുതല്‍ യുപിഐ ട്രാന്‍സാക്ഷന്‍ ഐഡിയില്‍ സ്പെഷ്യല്‍ ക്യാരക്ടറുകള്‍ പാടില്ലെന്ന് നാഷണല്‍ പേയ്മെന്റ്സ് കോര്‍പ്പറേഷന്‍ ഓഫ് ഇന്ത്യ. യുപിഐ ട്രാന്‍സാക്ഷന്‍ ഐഡിയില്‍ പുതിയ ചട്ടം അനുസരിച്ച് സ്പെഷ്യല്‍ ക്യാരക്ടറുകള്‍ ഉണ്ടെങ്കില്‍ ഫെബ്രുവരി ഒന്നുമുതല്‍ ഇത്തരം ഐഡികളില്‍ നിന്നുള്ള ഇടപാടുകള്‍ റദ്ദാക്കുമെന്ന് നാഷണല്‍ പേയ്മെന്റ്സ് കോര്‍പ്പറേഷന്‍ ഓഫ് ഇന്ത്യ മുന്നറിയിപ്പ് നല്‍കി. അതിനാൽ നിങ്ങളുടെ യുപിഐ ഐഡിയിൽ സ്‍പെഷ്യൽ കാര്യക്ടറുകൾ ഉണ്ടെങ്കിൽ അവയിൽ ഉടൻ തന്നെ മാറ്റം വരുത്തേണ്ടിവരും.
ഇത്തരം ഇടപാടുകള്‍ കേന്ദ്ര സംവിധാനം സ്വമേധയാ തള്ളുന്ന തരത്തിലാണ് ക്രമീകരണം ഒരുക്കിയിരിക്കുന്നതെന്നും നാഷണല്‍ പേയ്മെന്റ്സ് കോര്‍പ്പറേഷന്‍ ഓഫ് ഇന്ത്യ അറിയിച്ചു. യുപിഐ ട്രാന്‍സാക്ഷന്‍ ഐഡികള്‍ സൃഷ്ടിക്കുന്ന പ്രക്രിയയെ നിലവാരമുള്ളതാക്കുന്നതിന്റെ ഭാഗമായാണ് നടപടി. പുതിയ മാര്‍ഗനിര്‍ദേശം അനിസരിച്ച് ആല്‍ഫാന്യൂമെറിക് ക്യാരക്ടറുകള്‍ മാത്രമാണ് ട്രാന്‍സാക്ഷന്‍ ഐഡികള്‍ക്ക് എന്ന് ഉറപ്പാക്കണം. 
ജനുവരി 9-ന് യുപിഐ ഇടപാടുകളിലെ മാറ്റം സംബന്ധിച്ച് എൻപിസിഐ ഒരു സർക്കുലർ പുറപ്പെടുവിച്ചിരുന്നു. അതിൽ പുതിയ നിയമങ്ങൾ വ്യക്തമാക്കുന്നു. ഇനി മുതൽ യുപിഐ ഇടപാട് ഐഡിയിൽ ആൽഫാന്യൂമെറിക് മാത്രമേ ഉപയോഗിക്കാവൂ എന്ന് സർക്കുലറിൽ വ്യക്തമായി പ്രസ്താവിച്ചിരിക്കുന്നു. അതായത്, അതിൽ അക്കങ്ങളും അക്ഷരങ്ങളും മാത്രമേ ഉണ്ടാകാൻ പാടുള്ളൂ. പ്രത്യേക പ്രതീകങ്ങളൊന്നും (ക്യാരക്ടര്‍) അതിന്‍റെ ഭാഗമാകരുത്. ഏതെങ്കിലും ഇടപാട് ഐഡിയിൽ പ്രത്യേക ക്യാരക്ടറുകൾ അടങ്ങിയിട്ടുണ്ടെങ്കിൽ, സിസ്റ്റം അത് നിരസിക്കും. ഇത്തരം ഇടപാടുകള്‍ കേന്ദ്ര സംവിധാനം സ്വമേധയാ തള്ളുന്ന തരത്തിലാണ് ക്രമീകരണം ഒരുക്കിയിരിക്കുന്നതെന്നും നാഷണല്‍ പേയ്മെന്റ്സ് കോര്‍പ്പറേഷന്‍ ഓഫ് ഇന്ത്യ അറിയിച്ചു.
നിങ്ങൾ ഈ മാറ്റം വരുത്തണം
ജനപ്രിയ പേയ്‌മെന്‍റ് ആപ്പുകൾ ഓട്ടോമാറ്റിക്കായി യുപിഐ ഐഡി സൃഷ്‌ടിക്കുന്നുണ്ടെങ്കിലും, ഉപയോക്താക്കൾക്ക് സ്വന്തമായി ഇഷ്‌ടാനുസൃത യുപിഐ ഐഡി സൃഷ്‌ടിക്കാനോ നിലവിലുള്ള ഐഡിയിൽ മാറ്റങ്ങൾ വരുത്താനോ ഉള്ള ഓപ്ഷൻ ലഭിക്കും. നിങ്ങളുടെ നിലവിലുള്ള യുപിഐ ഐഡിയിൽ എന്തെങ്കിലും സ്‍പെഷ്യൽ കാര്യക്ടറുകൾ അടങ്ങിയിട്ടുണ്ടെങ്കിൽ അത് എഡിറ്റ് ചെയ്യാനുള്ള ഓപ്ഷൻ ലഭിക്കും. ഈ ഫീച്ചർ ഉപയോഗിച്ച് സ്‍പെഷ്യൽ കാര്യക്ടറുകൾ നീക്കം ചെയ്യുക. ഇതുകൂടാതെ, തിരഞ്ഞെടുത്ത പേയ്‌മെന്‍റ് ആപ്പുകൾ നിലവിലുള്ള ഐഡിയിൽ സ്വയമേവ മാറ്റങ്ങൾ വരുത്തും.
ഫെബ്രുവരി 1 മുതൽ പ്രാബല്യത്തിൽ വരുന്ന പുതിയ നിയമങ്ങൾക്ക് അനുസരിച്ച് നിങ്ങൾ സമയബന്ധിതമായി മാറ്റങ്ങൾ വരുത്തിയില്ലെങ്കിൽ നിങ്ങൾക്ക് യുപിഐ പേയ്‌മെന്‍റുകൾ നടത്താൻ കഴിയില്ല. ഫെബ്രുവരി 1-ന് ശേഷം നിങ്ങളുടെ യുപിഐ പേയ്‌മെന്‍റുകൾ തുടർച്ചയായി പരാജയപ്പെടുകയാണെങ്കിൽ, അത് നിങ്ങളുടെ യുപിഐ ഐഡിയിലോ ഇടപാട് ഐഡിയിലോ ഉള്ള ഈ സ്‍പെഷ്യൽ കാര്യക്ടറുകൾ മൂലമാകാൻ സാധ്യതയുണ്ട്.
Summary UPI transaction may interrupt from tomorrow