കൂരാച്ചുണ്ട് അങ്ങാടിയിലെ കിണറ്റില്‍ യുവാവിന്റെ ജഡം അഴുകിയ നിലയില്‍
കൂരാച്ചുണ്ട്: കൂരാച്ചുണ്ട് അങ്ങാടിയിലെ സ്വകാര്യ വ്യക്തിയുടെ കിണറ്റില്‍ യുവാവിന്റെ ജഡം കണ്ടെത്തി. കാരക്കട മലഞ്ചരക്ക് കടയ്ക്ക് പുറകിലാണ് സംഭവം. മൃതദേഹത്തിന് ഏതാനും ദിവസത്തെ പഴക്കമുണ്ട്.
ഇന്നലെ രാവിലെ മുതലേ അങ്ങാടിയില്‍ ദുര്‍ഗന്ധം വമിച്ചിരുന്നു. തുടര്‍ന്ന് നടത്തിയ പരിശോധനയിലാണ് കിണറ്റില്‍ മൃതദേഹം കണ്ടത്. മൃതദേഹം അങ്ങാടിയില്‍ നിന്നും മൂന്നുദിവസമായി കാണാതായ പശ്ചിമബംഗാള്‍ സ്വദേശിയുടേതാണെന്ന് സംശയിക്കുന്നുണ്ട്.ബംഗാള്‍ സ്വദേശി മഹേഷ് ദാസിനെയാണ് കാണാതായത്. സുഹൃത്തുക്കള്‍ ഇതുസംബന്ധിച്ച് പൊലീസില്‍ പരാതി നല്‍കുകയും ചെയ്തിരുന്നു.
