‘വണ്ണം കൂടുതലാണ്, ഇത്തിരി കുറച്ചേക്കാം’; അനാരോഗ്യകരമായ തടി കുറക്കല്‍ രീതികള്‍ ശരീരത്തിന് ആപത്ത്, ശ്രദ്ധിക്കാം ഇക്കാര്യങ്ങൾ
തടി കുറയ്ക്കുമ്പോള്‍ ചില അടിസ്ഥാനപരമായ കാര്യങ്ങള്‍ ശ്രദ്ധിച്ചില്ലെങ്കില്‍ ചിലപ്പോള്‍ നമുക്ക് ആരോഗ്യകരമായ ജീവിതം എന്നെന്നേക്കുമായി കൈമോശം വരാനിടയുണ്ട്. തടികുറയ്ക്കാന്‍ ആഗ്രഹിക്കുന്നവര്‍ ഉപേക്ഷിക്കേണ്ട ദുശ്ശീലങ്ങള്‍ എന്തെല്ലാമെന്ന് നോക്കാം.
വെള്ളത്തിനോട് നോ പറയരുത്
വെള്ളം നന്നായി കുടിച്ചാല്‍ വയര്‍ ചാടും. പലരും ഇത്തരത്തില്‍ പറഞ്ഞ് കേട്ടിട്ടുണ്ടാകും. വയര്‍ ചാടുമെന്ന പേടി കാരണം പലരും വെള്ളം കുടിക്കാതിരിക്കുന്ന അവസ്ഥയും കാണാം. എന്നാല്‍, നിങ്ങള്‍ നന്നായി വെള്ളം കുടിക്കണം.
നമ്മളുടെ ശരീരത്തില്‍ നിന്നും വിഷമയമായ വസ്തുക്കള്‍ പുറംതള്ളുന്നതിന് വെള്ളം അനിവാര്യമാണ്. നമുക്കറിയാം, നമ്മളുടെ മൂത്രത്തിലൂടേയും വിയര്‍പ്പിലൂടേയുമാണ് ശരീരത്തിലെ ടോക്‌സിന്‍സ് പുറത്തേക്ക് പോകുന്നതെന്ന്.
ശരീരത്തില്‍ നിന്നും വിഷം നീക്കം ചെയ്തില്ലെങ്കില്‍ ഇത് കരളിന്റെ ആരോഗ്യത്തെ കാര്യമായി ബാധിക്കുന്നുണ്ട്. അതുപോലെ, നമ്മളുടെ ശരീരത്തില്‍ നിന്നും കൊഴുപ്പ് നീക്കം ചെയ്യാനും വെള്ളം നന്നായി സഹായിക്കുന്നുണ്ട്. അതിനാല്‍, തടി കുറയ്ക്കാന്‍ ശ്രമിക്കുന്നവര്‍ വെള്ളം ഒരിക്കലും ഒഴിവാക്കരുത്.
എല്ലാം മിതമായി ചെയ്യുന്നതാണ് നല്ലത്. പ്രത്യേകിച്ച് വ്യായാമം. വ്യായാമം അമിതമായി ചെയ്യുന്നത് പലപ്പോഴും ഹാര്‍ട്ട് അറ്റാക്കിലേയ്ക്ക് നയിക്കുന്നുണ്ട്. അമിതമായി ക്ഷീണം ഉണ്ടാക്കുന്നതിലേയ്ക്കും പേശികള്‍ക്ക് ബലക്ഷയം സംഭവിക്കുന്നതിലേയ്ക്കും ഇത് നയിക്കാം.
അതിനാല്‍, മിതമായ അളവില്‍ വ്യായാമം ചെയ്യുന്നതാണ് എല്ലായ്‌പ്പോഴും നല്ലത്. അതുപോലെ, ആരംഭത്തില്‍ ചെറിയ രീതിയില്‍ വ്യായാമം ചെയ്ത് തുടങ്ങി പതിയെ പതിയെ കൂട്ടി കൂട്ടി വരുന്നത് കൂടുതല്‍ നല്ലതായിരിക്കും.