കണ്ണൂര്‍: കണ്ണൂർ മുണ്ടേരി പാലത്തിനു സമീപം ബൈക്കും പിക്കപ്പും തമ്മില്‍ കൂട്ടിയിടിച്ച്‌ രണ്ട് യുവാക്കള്‍ മരിച്ചു. കയ്യങ്കോട്ടെ അജാസ് (22), കണ്ണാടിപ്പറമ്പ് കാരയാപ്പിലെ വിഷ്ണു (22) എന്നിവരാണ് മരിച്ചത്. ബൈക്ക് യാത്രക്കാരാണ് ഇരുവരും. ഇന്നലെ വൈകീട്ട് 6 മണിയോടെയാണ് അപകടം നടന്നത്.

മുണ്ടേരി ഭാഗത്തേക്ക് പോവുകയായിരുന്ന പിക്കപ്പും കണ്ണാടിപ്പറമ്പ് ഭാഗത്തേക്ക് വരികയായിരുന്ന ബൈക്കും തമ്മിലാണ് കൂട്ടിയിടിച്ചത്. പരിക്കേറ്റവരെ ഉടന്‍ കണ്ണൂര്‍ എകെജി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

കണ്ണൂർ കയ്യങ്കോട് കല്ലുവളപ്പിൽ ഹാരിസിൻ്റെയും എം.പി.നസീമയുടെയും മകനാണ് അജാസ്. സഹോദരൻ അനസ്. കണ്ണാടിപ്പറമ്പിൽ സുരേശൻ്റെയും ശ്യാമളയുടെയും മകനാണ് വെൽഡിംഗ് തൊഴിലാളിയായ വിഷ്ണു. സഹോദരൻ അർജുൻ.

Summary: Two youths met a tragic end in a collision between a bike and a pickup in Kannur