ഓർക്കാട്ടേരി: സിപിഐ നേതാക്കളായിരുന്ന കെ എം കൃഷ്ണന്റെയും ടി പി മൂസ്സയുടേയും ചരമവാർഷിക ദിനാചരണം ചൊവ്വാഴ്ച കാർത്തിക പള്ളിയിൽ നടക്കും. കാലത്ത് 7 മണിക്ക് കെ എം കൃഷ്ണൻ സ്മൃതി മണ്ഡപത്തിൽ പുഷ്പാർച്ചന നടത്തും. 8 മണിക്ക് ടി പി മൂസ്സയുടെ വസതിയിൽ അനുസ്മരണ യോ​ഗം ചേരും. സി പി ഐ ജില്ലാ സെക്രട്ടറി കെ കെ ബാലൻ സംസാരിക്കും.

വൈകീട്ട് 5 മണിക്ക് കുറിഞ്ഞാലിയോട് അനുസ്മരണ സമ്മേളനം നടക്കും. സിപിഐ ദേശീയ കൺട്രോൾ കമ്മീഷൻ സെക്രട്ടറി സത്യൻ മൊകേരി ഉദ്ഘാടനം ചെയ്യും. ഷഫീർ കീഴ്ശേരി , പി സുരേഷ് ബാബു, ആർ സത്യൻ, എൻ എം ബിജു തുടങ്ങിയവർ സംസാരിക്കും.