‘നവകേരള നിര്‍മ്മിതിയില്‍ പ്രവാസികളുടെ പങ്ക്’; ഒമാനിലെ പ്രവാസി മലയാളികളുടെ സ്‌നഹാദരങ്ങളേറ്റുവാങ്ങി ടി.പി.രാമകൃഷ്ണന്‍ എം.എല്‍.എ
പേരാമ്പ്ര: ഒമാനിലെ പ്രവാസികളുടെ സ്‌നഹാദരങ്ങളേറ്റുവാങ്ങി ടി.പി.രാമകൃഷ്ണന്‍ എം.എല്‍.എ. ഒമാന്‍ കൈരളി സംഘടനയുടെ ആഭിമുഖ്യത്തില്‍ മസ്‌കറ്റ് റൂവിയിലെ ഗോള്‍ഡന്‍ ടുലിപ് ഹോട്ടലിലുള്ള അല്‍ മിരാനി ഹാളില്‍ എം.എല്‍.എയ്ക്ക് സ്വീകരണം നല്‍കി. പരിപാടിയില്‍ ‘നവകേരള നിര്‍മ്മിതിയില്‍ പ്രവാസികളുടെ പങ്ക്’ എന്ന വിഷയത്തില്‍ അദ്ദേഹം പ്രഭാഷണം നടത്തി.
ഒമാന്‍ കൈരളി പ്രസിഡന്റ് ഷാജി സെബാസ്റ്റ്യന്‍ അധ്യക്ഷനായി. ജനറല്‍ സെക്രട്ടറി കെ.ബാലകൃഷ്ണന്‍ സ്വാഗതം പറഞ്ഞു. പ്രവാസി ക്ഷേമനിധി ബോര്‍ഡ് അംഗവും ലോക കേരള സഭാംഗവുമായ പി.എം.ജാബിര്‍, വിന്‍സന്റ് ജോര്‍ജ് എന്നിവര്‍ സംസാരിച്ചു.
ഒമാന്റെ വിവിധ മേഖലകളില്‍ നിന്നുള്ള മലയാളികള്‍ പരിപാടിയില്‍ പങ്കെടുക്കാനായി എത്തിയിരുന്നു. മസ്‌കറ്റില്‍ നിന്ന് 300 കിലോമീറ്റര്‍ അകലെയുള്ളവര്‍ പോലും ടി.പി.രാമകൃഷ്ണന്‍ എം.എല്‍.എയെ കാണാനായി ഗോള്‍ഡന്‍ ടുലിപ് ഹോട്ടലില്‍ എത്തി. തിങ്ങി നിറഞ്ഞ സദസ്സാണ് പരിപാടിക്ക് സാക്ഷ്യം വഹിച്ചത്.