തോടന്നൂർ: തോടന്നൂർ ബ്ലോക്ക്പഞ്ചായത്ത് കേരളോത്സവം ഡിസംബർ 14 മുതൽ 21 വരെ നടക്കും. 14 ന് രാവിലെ 7.30 ന് ഷട്ടിൽ ടൂർണമെന്റോടുകൂടിയാണ് മത്സരങ്ങൾക്ക് തുടക്കമാവുക. 15 ന് അത്ലറ്റിക്സ് മത്സരങ്ങൾ നടക്കും.

18 ന് സ്റ്റേജ് ഇതര കലാമത്സരങ്ങൾ നടക്കും. 21 ന് സ്റ്റേജ് മത്സരങ്ങൾ അരങ്ങേറും. മണിയൂർ ഹൈസ്കൂൾ, മണിയൂർ നവോദയ, പുതിയാപ്പ്, ബ്ലോക്കോഫീസ് പരിസരം, ഐപിഎം മേപ്പയിൽ എന്നിവിടങ്ങളിലാണ് മത്സരങ്ങൾ നടക്കുക.

കേരളോത്സവത്തിനുള്ള സംഘാടക സമിതി രൂപീകരിച്ചു. യോ​ഗത്തിൽ ബ്ലോക്ക് പഞ്ചായത്ത് പ്രസിഡണ്ട് പിഎം ലീന, വൈസ് പ്രസിഡണ്ട് എം ശ്രീലത, മണിയൂർ പഞ്ചായത്ത് പ്രസിഡന്റ് ടി കെ അഷ്റഫ്, ശ്രീജ, സിഎച്ച് മൊയ്തു, പിസി ഷീബ, റഫീഖ്, ഇഎം ബാബു, കെടി രാഘവൻ തുടങ്ങിയവർ സംബന്ധിച്ചു.