കടമേരി: കാൽപന്ത് കളിയിൽ വളർന്നുവരുന്ന കുഞ്ഞു പ്രതിഭകൾക്ക് പ്രചോദനമായി ജഴ്സികൾ വിതരണം ചെയ്തു. എടപ്പള്ളി എഫ്.സി ടീമിലെ കുട്ടികൾക്കാണ് മാവേലി വാട്ട്സപ്പ് കൂട്ടായ്മയുടെ ആഭിമുഖ്യത്തിൽ ജഴ്സികൾ വിതരണം ചെയ്തത്.

ഭാരവാഹികളായ സുൽഫിക്കർ ചേക്കണ്ടി, ദാവൂദ് കനവത്ത് എന്നിവർ ചേർന്നാണ് ജഴ്സികൾ വിതരണം ചെയ്തത്. ചടങ്ങിൽ ആയഞ്ചേരി ഗ്രാമപഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർമാൻ അഷ്റഫ് വെള്ളിലാട്ട്, പഞ്ചായത്ത് മെമ്പർ ടി.കെ.ഹാരിസ് എന്നിവർ സംബന്ധിച്ചു.

പ്രദേശത്തെ നിരവധി സാമൂഹ്യ- സാംസ്കാരിക- ജീവകാരുണ്യ രംഗത്ത് ശ്രദ്ധേയമായ പ്രവർത്തനങ്ങൾ കാഴ്ചവെച്ച കൂട്ടായ്മയാണ് മാവേലി വാട്ട്സപ്പ് ഗ്രൂപ്പ്.

Summary: The young players of the Edappally FC team will now play in new jerseys; Maveli WhatsApp community by donating jerseys