---

നാ​ദാ​പു​രം: നാ​ദാ​പു​രം താ​ലൂ​ക്കാ​ശു​പ​ത്രി പ്ര​വ​ർ​ത്ത​നം താ​ളം തെ​റ്റി​യ​നി​ല​യി​ൽ. ആശുപത്രി സൂ​പ്ര​ണ്ട് നീണ്ട അ​വ​ധി​യി​ൽ പ്ര​വേ​ശി​ച്ചു. ആ​ശു​പ​ത്രി​യി​ലെ സെ​ക്യൂ​രി​റ്റി ജീ​വ​ന​ക്കാ​രു​ടെ നി​യ​മ​ന​വു​മാ​യി ബ​ന്ധ​പ്പെ​ട്ട ത​ർ​ക്ക​മാ​ണ് ആ​ശു​പ​ത്രി​യു​ടെ പ്ര​വ​ർ​ത്ത​നം താളം തെറ്റിയ അ​വ​സ്ഥ​യി​ലെത്തി നിൽക്കാൻ കാരണമായത്.

ആ​ശു​പ​ത്രി​യി​ൽ നി​ല​വി​ലു​ള്ള ഡോ​ക്ട​ർ​മാ​രു​ടെ​യും ന​ഴ്സി​ങ് അ​സി​സ്റ്റ​ൻറു​മാ​രു​ടെ​യും നി​ര​വ​ധി ത​സ്തി​ക​ക​ൾ ഒ​ഴി​ഞ്ഞു​കി​ട​ക്കു​ക​യാ​ണ്. ഇ​തേ​തു​ട​ർ​ന്ന് സ്പെ​ഷാ​ലി​റ്റി ചി​കി​ത്സ​ക​ൾ ല​ഭി​ക്കാ​ത്ത​തി​നാ​ൽ രോ​ഗി​ക​ൾ അ​ധി​ക​വും സ്വ​കാ​ര്യ ആശുപത്രികളെയാണ് ചി​കി​ത്സ​ക്കാ​യി ആ​ശ്ര​യി​ക്കു​ന്ന​ത്. ജ​ന​റ​ൽ മെ​ഡി​സി​ൻ വി​ഭാ​ഗ​ത്തി​ൽ ആ​വ​ശ്യ​മാ​യ ഡോ​ക്ട​റി​ല്ലാ​ത്ത​തി​നാ​ൽ അ​ത്യാ​ഹി​ത രോ​ഗി​ക​ളെ​യെ​ല്ലാം മ​റ്റാ​ശു​പ​ത്രി​ക​ളി​ലേ​ക്ക് പ​റ​ഞ്ഞു​വി​ട​ലാ​ണ് പ​തി​വ്. ഒ.​പി​യി​ലും പ​നി ക്ലി​നി​ക്കി​ലും മാ​ത്രം ല​ഭി​ച്ചി​രു​ന്ന സേ​വ​നം പു​തി​യ വി​വാ​ദ​ത്തോ​ടെ പൂ​ർ​ണ​മാ​യും നി​ല​ക്കു​ന്ന സ്ഥി​തി​യാ​ണ്. നേ​ര​ത്തേ രാ​ത്രി ഏ​ഴു​വ​രെ പ്ര​വ​ർ​ത്തി​ച്ചി​രു​ന്ന ലാ​ബു​ക​ളും എ​ക്സ​റേ യൂ​നി​റ്റും വൈ​കീ​ട്ട് അ​ഞ്ചി​ന് ത​ന്നെ പ്ര​വ​ർ​ത്ത​നം അ​വ​സാ​നി​പ്പി​ക്കു​ന്ന​തി​നാ​ൽ ഭീ​മ​മാ​യ തു​ക ന​ൽ​കി രോ​ഗി​ക​ൾ സ്വ​കാ​ര്യ ലാ​ബു​ക​ളെ​യാ​ണ് ആ​ശ്ര​യി​ക്കു​ന്ന​ത്.

ഈ ​മാ​സം ഒ​മ്പ​തി​ന് ആ​ശു​പ​ത്രി​യി​ൽ പു​തി​യ സെ​ക്യൂ​രി​റ്റി​ക്കാ​രെ നി​യ​മി​ക്കാ​നു​ള്ള അ​ഭി​മു​ഖം ന​ട​ന്നി​രു​ന്നു. എ​ന്നാ​ൽ, ലി​സ്റ്റി​ലു​ള്ള​വ​രെ നി​യ​മി​ക്കാ​തെ നേ​ര​ത്തേ ജോ​ലി ചെ​യ്ത ജീ​വ​ന​ക്കാ​ര​നെ ര​ണ്ടു​ദി​വ​സം മു​മ്പ് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ൻറ് ജോ​ലി​ക്ക് അ​യ​ക്കു​ക​യാ​ണെ​ന്ന ആ​രോ​പ​ണമാണ് ആശുപത്രിയുടെ പ്രവർത്തനത്തിലെ താളപ്പിഴകൾക്ക് തുടക്കമായത്.

ആ​രോ​ഗ്യ​വ​കു​പ്പി​ൻറെ പു​തി​യ സ​ർ​ക്കു​ല​ർ പ്ര​കാ​രം വി​മു​ക്ത​ഭ​ട​ന്മാ​ർ അ​ല്ലാ​ത്ത​വ​രെ ജോ​ലി​ക്ക് നി​യ​മി​ക്കാ​ൻ ക​ഴി​യി​ല്ലെ​ന്നാ​ണ് ജീ​വ​ന​ക്കാ​ർ പ​റ​യു​ന്ന​ത്. സൂ​പ്ര​ണ്ടി​ൻറെ അ​നു​മ​തി​യി​ല്ലാ​തെ ആ​ശു​പ​ത്രി​യി​ലെ​ത്തി​യ സെ​ക്യൂ​രി​റ്റി​ക്കാ​ര​നെ ജോ​ലി​യി​ൽ പ്ര​വേ​ശി​ക്കു​ന്ന​ത് ജീ​വ​ന​ക്കാ​ർ എ​തി​ർ​ത്ത​തോ​ടെ ആ​ശു​പ​ത്രി​യി​ൽ സം​ഘ​ർ​ഷം ഉ​ട​ലെ​ടു​ത്തു. ആ​ശു​പ​ത്രി​യി​ൽ എ​ത്തി​യ ബ്ലോ​ക്ക് പ്ര​സി​ഡ​ൻറും എ​ച്ച്.​എം.​സി അം​ഗ​ങ്ങ​ളും ന​ഴ്സി​ങ് സൂ​പ്ര​ണ്ട് അ​ട​ക്ക​മു​ള്ള​വ​രെ ഭീ​ഷ​ണി​പ്പെ​ടു​ത്തി​യെന്ന ജീ​വ​ന​ക്കാ​രു​ടെ പ​രാ​തി​യി​ൽ പ്ര​സി​ഡ​ൻറ​ട​ക്ക​മു​ള്ള​വ​ർ​ക്കെ​തി​രെ ജാ​മ്യ​മി​ല്ല വ​കു​പ്പ് പ്ര​കാ​ര​മാ​ണ് പൊ​ലീ​സ് കേ​സെ​ടു​ത്തി​രി​ക്കു​കയാണ്.