‌

വടകര: ജില്ലാ സ്‌പോട്സ് കൗൺസിൽ വോളിബോൾ ടെക്‌നിക്കൽ കമ്മറ്റി സംഘടിപ്പിക്കുന്ന മിനി വോളിബോൾ ചാമ്പ്യൻഷിപ്പിന് നാളെ വടകരയിൽ തുടക്കമാവും. ഫെബ്രുവരി 1, 2 തിയ്യതികളിൽ മേപ്പയിൽ ഐപിഎം അക്കാദമിയിലാണ് ചാമ്പ്യൻഷിപ്പ് നടക്കുകയെന്ന് കമ്മിറ്റി ഭാരവാഹികൾ വാർത്താസമ്മേളനത്തിൽ അറിയിച്ചു. നാളെ ആൺകുട്ടികളുടെ മത്സരവും ഫെബ്രുവരി രണ്ടാം തിയ്യതിയിൽ ഇരു വിഭാഗത്തിന്റെ മത്സരവും നടക്കും.

ആൺ, പെൺ വിഭാ​ഗങ്ങളിലായി 46 ടീമുകൾ മത്സരിക്കും. 16 വനിത ടീമുകളാണ് മത്സരത്തിനായെത്തുന്നത്. സംസ്ഥാന ചാമ്പ്യൻഷിപ്പിനുള്ള കോഴിക്കോട് ജില്ലാ ടീമിനെ ഈ മത്സരത്തിൽ നിന്നാണ് തെരഞ്ഞെടുക്കുന്നത്. ചാമ്പ്യൻഷിപ്പിന്റെ ഉദ്ഘാടനം ഡിവൈഎസ്പി ആർ.ഹരിപ്രസാദ് നിർവ്വഹിക്കും. ടീമുകൾ കാലത്ത് എട്ട് മണിക്ക് റിപ്പോർട്ട് ചെയ്യണമെന്ന് സംഘാടകർ അറിയിച്ചു.

വാളിബോൾ ടെക്‌നിക്കൽ കമ്മറ്റി ചെയർമാൻ വി.വിദ്യസാഗർ, കൺവീനർ കെ.പ്രദീപൻ, വി.കെപ്രേമൻ, കെ.നസീർ എന്നിവർ പങ്കെടുത്തു.

Summary: The mini volleyball championship will start tomorrow in Vadakara