Tag: Subiksha
‘അഗ്നിപ്രതിരോധ പ്രവര്‍ത്തനങ്ങളും പാചകവാതകത്തിന്‍റെ സുരക്ഷിത ഉപയോഗകവും’; സുഭിക്ഷാ ജീവനക്കാർക്ക് പരിശീലനം നൽകി പേരാമ്പ്ര ഫയർഫോഴ്സ്
പേരാമ്പ്ര: പേരാമ്പ്ര അഗ്നിരക്ഷാസേനയുടെ നേതൃത്വത്തിൽ സുഭിക്ഷാ എരവട്ടൂര്‍ യൂണിറ്റിലെ ജീവനക്കാര്‍ക്ക് സുരക്ഷാ ബോധവല്‍ക്കരണ ക്ലാസ്സ് സംഘടിപ്പിച്ചു. അഗ്നിപ്രതിരോധ പ്രവര്‍ത്തനങ്ങളിലും, ഫയര്‍ എക്സ്റ്റിംഗുഷര്‍ ഉപയോഗ രീതികളെകുറിച്ചും പാചകവാതകത്തിന്‍റെ സുരക്ഷിത ഉപയോഗക രീതികളെകുറിച്ചും അഗ്നിരക്ഷാ നിയലത്തിലെ ജീവനക്കാർ പ്രായോഗിക പരിശീലനം നല്‍കി. അസിസ്റ്റന്റ് സ്റ്റേഷന്‍ ഓഫീസ്സര്‍ പി.സി പ്രേമന്‍, ഫയര്‍ആൻഡ്റെസ്ക്യൂ ഓഫീസ്സര്‍ പി.വി മനോജ് എന്നിവര്‍ ക്ലാസ് നയിച്ചു.
പേരാമ്പ്ര സുഭിക്ഷയിലെ സോളാര്‍ ഫ്രീസര്‍ കോഴിക്കോട് മെഡിക്കല്‍ കോളേജിന് കൈമാറി
പേരാമ്പ്ര: അനെര്‍ട് പേരാമ്പ്ര സുഭിക്ഷയ്ക്ക് അനുവദിച്ച സോളാര്‍ ഫ്രീസര്‍ കോഴിക്കോട് മെഡിക്കല്‍ കോളേജിലേക്ക് മാറ്റി. ആശുപത്രിയില്‍ പുതുതായി ആരംഭിച്ച ഓക്‌സിജന്‍ പ്ലാന്റിലേക്ക് സോളാര്‍ ഫ്രീസര്‍ അത്യാവശ്യമാണെന്ന് അറിയിച്ചിരുന്നു. ഇതിനെ തുടര്‍ന്നാണ് പ്ലാന്റ് സുഭിക്ഷയില്‍ നിന്നും മെഡിക്കല്‍ കോളേജിലേക്ക് മാറ്റാന്‍ നടപടി സ്വീകരിച്ചത്. ക്രെയിന്‍ ഉപയോഗിച്ചാണ് സുഭിക്ഷയുടെ ഓഫീസില്‍ നിന്നും ഫ്രീസര്‍ നീക്കം ചെയ്തത്.