Tag: Bus Strike

വടകര: വാണിമേൽ-വിലങ്ങാട്, വില്യാപ്പള്ളി-തണ്ണീർപ്പന്തൽ റൂട്ടിൽ നാളെ മുതൽ നടത്താനിരുന്ന ബസ് സമരം പിൻവലിച്ചു. വടകര പ്രൈവറ്റ് ബസ് ഓപ്പറേറ്റേഴ്സ് അസോസിയേഷനാണ് ഇക്കാര്യം അറിയിച്ചത്. വാണിമേൽ-വിലങ്ങാട് റൂട്ടിൽ എത്രയും പെട്ടെന്ന് റീടാറിങ് നടത്താമെന്ന് ഉറപ്പുലഭിച്ചു. വില്യാപ്പള്ളി-തണ്ണീർപ്പന്തൽ റോഡിൽ അറ്റകുറ്റപ്പണി ചെയ്തതിനാലുമാണ് സമരം പിൻവലിച്ചത്. ഇ.കെ. വിജയൻ എം.എൽ.എ. വിളിച്ചുചേർത്ത യോഗത്തിലാണ് ജീവനക്കാരുടെ ആവശ്യം പരി​ഗണിച്ച് തീരുമാനിച്ചത്.

വടകര: വടകര താലൂക്കിൽ ചൊവ്വാഴ്ച(7-1-2025) നടത്താനിരുന്ന ബസ് പണിമുടക്ക് പിൻവലിച്ചു. തണ്ണീർപന്തലിൽ ബസ് ജീവനക്കാരെ ആക്രമിച്ച സംഭവത്തിൽ പ്രതിഷേധിച്ചായിരുന്നു സംയുക്ത തൊഴിലാളി സമിതി പണിമുടക്കിന് ആഹ്വാനം ചെയ്തത്. ബസ് ജീവനക്കാരെ മർദ്ദിച്ച പ്രതികളെ ഇന്ന് പിടികൂടിയ സാഹചര്യത്തിലാണ് പണിമുടക്ക് പിൻവലിച്ചത്.ജനുവരി 10 മുതൽ നടത്താനിരുന്ന അനിശ്ചിതകാല പണിമുടക്കും പിൻവലിച്ചെന്ന് സംയുക്ത സമര സമിതി അറിയിച്ചു.

വടകര: സംയുക്ത ട്രേഡ് യൂണിയന്റെ നേതൃത്വത്തില്‍ സ്വകാര്യ ബസ് തൊഴിലാളികള്‍ 30ന് വടകര താലൂക്കില്‍ നടത്താനിരുന്ന പണിമുടക്ക് പിന്‍വലിച്ചു. യൂണിയന്‍ നേതാക്കളും ബസ് ഉടമകളും ജില്ലാ ലേബര്‍ ഓഫീസറുടെ സാന്നിധ്യത്തില്‍ നടത്തിയ ചര്‍ച്ചയെ തുടര്‍ന്നാണ് സമരം പിന്‍വലിച്ചത്. ഡിഎ വിതരണം ചെയ്യുക, കലക്ഷന്‍ ബത്ത അവസാനിപ്പിക്കുക, മുഴുവന്‍ ബസുകളിലും ക്ലീനര്‍മാരെ നിയമിക്കുക തുടങ്ങിയ ആവശ്യങ്ങള്‍ ഉന്നയിച്ചാണ്