അഴിയൂർ: കോറോത്ത് റോഡ് പനാടമ്മെൽ എം.യു.പി സ്‌കൂളില്‍ വിദ്യാർത്ഥികൾക്കായി തയ്‌ക്കൊണ്ടോ പരിശീലനം ആരംഭിച്ചു. പി.ടി.എയുടെ ആഭിമുഖ്യത്തില്‍ സംഘടിപ്പിച്ച പരിപാടി ആസിഫ് കുന്നത്ത് ഉദ്ഘാടനം ചെയ്തു.

ഹെഡ്മിസ്ട്രസ് ഹസീന ബീവി അധ്യക്ഷത വഹിച്ചു. എ.കെ അബ്ദുല്ല മാസ്റ്റർ പദ്ധതി വിശദീകരിച്ചു. എം.പി.ടി.എ പ്രസിഡണ്ട് റഹൂഫ സംസാരിച്ചു. ഉദ്ഘാടന ചടങ്ങിനോടനുബന്ധിച്ച് തയ്‌ക്കൊണ്ടോ പരിചയവും ഡെമോയും നടത്തി.

പ്രമുഖ പരിശീലകൻ മാസ്റ്റർ ഫഹദ് തങ്ങളാണ് പരിശീലകന്‍. ആഴ്ചയിൽ രണ്ടു ദിവസങ്ങളായി നടക്കുന്ന പരിശീലന ക്ലാസില്‍ താല്പര്യമുള്ള രക്ഷിതാക്കളും പങ്കുചേരുമെന്ന് പി.ടി.എ ഭാരവാഹികൾ അറിയിച്ചു.

Description: Taekwondo training has started at Azhiyur School