അഴിയൂർ: ശക്തമായ കാറ്റിലും മഴയിലും കാർവാഷ് സെൻ്ററിൻ്റെ മേൽക്കൂര തകർന്ന് വീണു. കൊറോത് റോഡ് അത്താണിക്കൽ സ്കൂളിനു സമീപത്താണ് നിർമാണത്തിലിരുന്ന കാർ വാഷ് സർവീസ് സെന്റർ കെട്ടിടത്തിന്റെ മേൽക്കൂര തകർന്നു വീണത്. സമീപത്ത ആളുകളൊന്നു ഇല്ലാതിരുന്നതിനാൽ അപകടം ഒഴിവായി. സമീപത്ത് നിർത്തിയിട്ടിരുന്ന മാരുതി കാറിനു കേടുപാടുകൾ സംഭവിച്ചിട്ടുണ്ട്. ഇന്ന് വൈകീട്ടോടെയാണ് വടകരയിലും സമീപ പ്രദേശങ്ങളിലും ശക്തമായ കാറ്റടിച്ചത്.

വടകര സാന്റ്റ് ബാങ്ക്സിലും കാറ്റ് വലിയ നാശം വിതച്ചു. കാറ്റിൽ നാലോളം തട്ടുകടകൾ മറിഞ്ഞുവീണിട്ടുണ്ട്. ചേരാൻ്റവിട മായൻകുട്ടി, പുത്തൻപുരയിൽ കുഞ്ഞിപ്പാത്തു, അഴീക്കൽ ജമീല എന്നിവരുടെ തട്ടുകടകൾക്കാണ് കേടുപാടുകൾ സംഭവിച്ചത്. കൂടാതെ ഇരുചക്രവാഹനങ്ങളുടെ മുകളിൽ ഷീറ്റ് വീണ് വാഹനങ്ങൾക്കും കേടുപാട് പറ്റിയിട്ടുണ്ട്.