മേപ്പയ്യൂര്‍: മേപ്പയ്യൂരിലെ കീഴ്പ്പയ്യൂരില്‍ കടന്നലുകളുടെ കൂട്ട ആക്രമണം. പ്രദേശവാസികളായ നിരവധിപേര്‍ക്ക് കുത്തേറ്റു. ഇന്നലെ പൊയില്‍ക്കടവ് ഭാഗത്ത് റോഡ് പണി നടക്കുമ്പോഴാണ് അപ്രതീക്ഷിതമായി കടന്നലുകളുടെ കൂട്ട ആക്രമണമുണ്ടായത്.

പ്രദേശവാസികളായ സിറാജ് പൊയില്‍, റിയാസ് മലപ്പാടി, കണാരന്‍ നമ്പൂരുകണ്ടി, കെ.കെ.ചന്തു കൂയിക്കണ്ടി, സുരേന്ദ്രന്‍ കോറോത്ത് കണ്ടി, ഗോവിന്ദന്‍ കുളവട്ടുങ്കല്‍ എന്നിവര്‍ക്കാണ് കടന്നലിന്റെ ആക്രമണത്തില്‍ പരിക്കേറ്റത്.

ഇവര്‍ മേപ്പയ്യൂരിലെ സ്വകാര്യ ആശുപത്രിയിലും, കുടുംബാരോഗ്യ കേന്ദ്രത്തിലും ചികിത്സ തേടി. ഇതില്‍ കണാരന്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയില്‍ തുടരുകയാണ്.

summary: several people were injured in a mass attack by wasps in keezhpayyur