പയ്യോളി: വിദ്യാര്‍ത്ഥികള്‍ക്കായി കരിയര്‍ ക്ലിനിക് സംഘടിപ്പിച്ച് കോട്ടക്കല്‍ കുഞ്ഞാലി മരയ്ക്കാര്‍ ഹയര്‍ സെക്കന്‍ഡറി സ്‌കൂള്‍. സ്‌കൂള്‍ പി.ടി.എ യുടെ ആഭിമുഖ്യത്തില്‍ സ്‌കൂളിലെ മുഴുവന്‍ പ്ലസ്ടു വിദ്യാര്‍ത്ഥികള്‍ക്കു മായാണ് കരിയര്‍ ക്ലാസ് സംഘടിപ്പിച്ചത്.

ജനറല്‍ ഓറിയന്റേഷന്‍ ക്ലാസിനു ശേഷം ഓരോ വിദ്യാര്‍ത്ഥികള്‍ക്കും വ്യക്തിപരമായ കൗണ്‍സിലിംഗ് ക്ലാസ്സ് കൂടി സംഘടിപ്പിച്ചിരുന്നു. വിവിധ വിഷയങ്ങളില്‍ പ്രാവീണ്യമുള്ള പത്തോളം ഫാക്കല്‍റ്റികള്‍ വിദ്യാര്‍ത്ഥികള്‍ക്കും രക്ഷിതാക്കള്‍ക്കും നിര്‍ദ്ദേശങ്ങള്‍ നല്‍കി.

സിജി ആന്‍ഡ് എസി വടകര വിദ്യാഭ്യാസ ജില്ല കോഡിനേറ്റര്‍ അന്‍വര്‍ അടുക്കത്ത് ഉദ്ഘാടനം നിര്‍വ്വഹിച്ച പരിപാടിയില്‍ ചടങ്ങില്‍ സ്‌കൂള്‍ പ്രിന്‍സിപ്പല്‍ അഖിലേഷ് ചന്ദ്ര.ടി അധ്യക്ഷത വഹിച്ചു. കരിയര്‍ ഗൈഡ് ഉബൈദ് മാസ്റ്റര്‍ സ്വാഗതം പറഞ്ഞു. പിടിഎ പ്രസിഡണ്ട് സുഭാഷ് സംസാരിച്ചു. 150 ഓളം വിദ്യാര്‍ത്ഥികളാണ് ക്ലാസില്‍ പങ്കെടുത്തത്.

Summary: Separate counseling classes for individual students; School PTA with career clinic class at Kunjali Marakkar HSS, Kottaikal