ആദ്യാക്ഷരം നുകരാന്‍ കുരുന്നുകളെത്തി; പ്രവേശനോത്സവം ആഘോഷമാക്കി തുറയൂരിലെ ജി.ഡബ്ല്യൂ.എല്‍.പി സ്‌കൂള്‍
തുറയൂര്‍: കോവിഡിന് ശേഷം സ്‌കൂളിലേക്ക് തിരിച്ചെത്തിയ കുരുന്നുകളെ ആഘോഷപൂര്‍വ്വം വരവേറ്റ് അധ്യാപകര്‍. ആദ്യദിനം വിപുലമായ പിരപാടികളോടെയാണ് സ്‌കൂളുകളില്‍ പ്രവേശനോത്സവം സംഘടിപ്പിച്ചത്. തുറയൂര്‍ പഞ്ചായത്ത് തല സ്‌കൂള്‍ പ്രവേശനോത്സവം ജി.ഡബ്ല്യൂ.എല്‍.പി സ്‌കൂളില്‍ നടന്നു. പഞ്ചായത്ത് പ്രസിഡന്റ് സി. കെ. ഗിരീഷ് ഉദ്ഘാടനം നിര്‍വഹിച്ചു.
വൈസ് പ്രസിഡന്റ് ശ്രീജ മാവുള്ളാട്ടില്‍ അധ്യക്ഷത വഹിച്ചു. ഹെഡ്മാസ്റ്റര്‍ രാമദാസ് മാസ്റ്റര്‍ സ്വാഗതം പറഞ്ഞു. വികസന കാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ രാമകൃഷ്ണന്‍ കെ. എം, വാര്‍ഡ് മെമ്പര്‍മാരായ നജ്‌ല അഷ്റഫ്, അബ്ദുള്‍ റസാക്ക് കുറ്റിയില്‍, ബി.ആര്‍.സി ട്രെയിനര്‍ രാഹുല്‍ മാസ്റ്റര്‍, പി.ടി.എ പ്രസിഡന്റ് ഷാജു സി.കെ, രതി ടീച്ചര്‍, വനജ ടീച്ചര്‍ എന്നിവര്‍ സംസാരിച്ചു.
