‘സേ നോ ടു ഡ്രഗ്സ്’; പേരാമ്പ്രയിൽ ലഹരിവിരുദ്ധ കുട്ടിച്ചങ്ങല തീർത്ത് വിദ്യാർത്ഥികൾ
പേരാമ്പ്ര: സർക്കാരിൻ്റെ ലഹരി വിരുദ്ധ ബോധവൽക്കരണ പരിപാടിയുടെ ഭാഗമായി പേരാമ്പ്ര എ.യു.പി. സ്കൂളിൽ കുട്ടിച്ചങ്ങല സംഘടിപ്പിച്ചു.
എൽ.കെ.ജി. മുതൽ ഏഴാം ക്ലാസ്സ് വരെയുള്ള വിദ്യാർത്ഥികളും, രക്ഷിതാക്കളും, അധ്യാപകരും ഉൾപ്പെടെ ആയിരത്തോളം പേർ ചങ്ങലയിൽ അണിനിരന്നു. സേ നോ ടു ഡ്രഗ്സ് എന്നെഴുതിയ കളങ്ങളിൽ കുട്ടികൾ അണിനിരന്നത് വേറിട്ട കാഴ്ചയായി.
വാർഡ് മെമ്പർ ജോന.പി പരിപാടി ഉദ്ഘാടനം ചെയ്തു. ചടങ്ങിൽ ഹെഡ്മിസ്ട്രസ് കെ.പി. മിനി, പി.ടി.എ.പ്രസിഡന്റ് ടി.സുബീഷ്, ടി.കെ. ഉണ്ണികൃഷ്ണൻ എന്നിവർ സംസാരിച്ചു.
Summary: ‘Say No to Drugs’; anti-drug chain in Perambra